KONFLITU KONTINUA MOSU TANBA ABUT METIN

Tuir Organizasaun Naun Govermental (ONG) Fundasaun Mahein (FM) ninia haree katak, konflitu kontinua mosu, hanesan kazu rama ambon no asaltu malu entre juventude mosu iha kapital tamba, ninia abut metin no forte.

Bazea ba relatoriu FM hatudu, maske Governu hasai rezolusaun hodi taka grupu artemarsiais maibe, konflitu kontinua akontese sai preokupasaun publiku.

“Problema kontinua mosu, ohin ita kombate aban kontinua mosu signifika katak, iha ninia abut metin no forte,”Adjunto Direktur FM, João Almeida ba Jornalista sira iha Hospital Nasional Guido Vladares (HNGV), Tersa (21/06/2016).

Problema  refere atu labele mosu la’os deit responsavel Governu, maibe responsabilidade ema hotu nian kontribui ba paz no estabilidade iha rai ida ne’e, inklui servisu seguransa tenke halo nafatin prevensaun.

Tuir relatoriu FM, husi fulan Fevereiru to’o Maiu tinan 2016 ne’e kazu hana malu konsege kaptura autor balun, e iha fulan Juño ne’e kontinua mosu aktu krime balu.

Husi aktu sira ne’e hotu, autoridade seguransa seidauk identifika semak suspeitu tamba ne’e, FM rekomenda autoridade seguransa reforsa servisu informasaun nian.

Alfandega ignora sasan ilegal tama TL

Iha oportunidade ne’e Adjuntu Direktur FM, João Almeida fo sai mos katak, tuir relatoriu FM hatudu, durante ne’e sasan ilegal tama liu husi liña fronteira ultrapasa tama mai Timor Leste tamba, Alfandega mak ignora inklui involvimentu pesoal Alfandega iha parte kontrolu nian.

“Ami ninia konkluzaun ba servisu Alfandega nian ignora ba seguransa no kontrolu ba sasan sira tama sai iha Alfandega nian, Afandega rasik sei fraku teb-tebes la’os deit mekanismu kontrola maibe, involvimentu husi pesoal alfandega ne’e rasik,”afirma adjuntu FM.

Iha kazu ne’ebe FM hetan, kompañia balun hatama sasan iha Bill of leding ne’e katak, sira importa kareta mais iha kontentor nia laran iha sasan tolu kareta, nasi kotak mamuk ho biscuit.

“Husi Bill of leding ne’ebe iha sasan ne’ebe sira seluk ba deit biscuit, iha ne’e ita bele identifika analiza sasan ne’ebe tama legal kareta mais la selu, biscuit konsidera sasan kontra bandu mais selu taxa, signifika involvimentu emprezas sira no servisu Alfandega iha konkalikon entre parte rua,”esklarese nia.eus 

Jornal Nacional