Lere: Problema Veteranus Sai Komplikadu

DILI - Veteranus Lere Anan Timur, kaer mos pasta hanesan Xefi Estadu Maior Jeneral F-FDTL Maijor Jeneral Lere Anan Timor hateten, problema veteranus nia agora sai komplikadu, tanba ema sira neebe uluk lakohi ukun aan agora sai veteranus e sira neebe hakarak ukun aan la sai veteranus, tanba lei la dun forte.

Lia hirak nee hatoo husi Veteranus Lere, ba Jornalista sira, hafoin remata enkontru ho Prezidente Republika Taur Matan Ruak, iha Palasiu Prezidensial, Aitrak Laran, Dili, kuarta (22/06/2016).

Veteranus nee hau bele dehan katak situasaun ida neebe konplikadu tebes, agora mundu hotu-hotu veteranus, ema balun neebe lakohi ukun aan mos sai veteranus, sira neebe hakarak ukun aan la sai fali veteranus, ida nee prosesu ida komplikadu,” dehan Lere.

Veteranus nee mos haklean tan katak hahu agora tenki buka forma, lei maka tenki funisona didiak, lei nee dehan katak se maka falsifika dokumentus tenki ba Tribunal, tenki lori ema sira falsifika dokumentus nee ba Tribunal.

Iha parte seluk Veteranus Alcino de Araujo hateten problema veteranus nia nee laos konba buat seluk, maibe problema nee mosu so konba rezistu, tanba veteranus barak maka rezistu, maibe ninia naran la sai. Informasaun kompletu iha STL Jornal no STL Web, edisaun Kinta (23/6/2016). Joao Anibal

Suara Timor Lorosae