SDG Timor-Leste Sei Foka Area Agrikultura, Edukasaun, Saude, Infrastrutura No Reforma Ekonomia

Dili, Radio Liberdade Online - Atu apoiu dezenvolvementu, Sustainable  Development Goals Timor-Leste, foka ba iha area  hat mak hanesan Agrikultura, Edukasaun, Saude, Infrastrutura Bazika no Reforma Ekonomia, dehan Ministru Negosiu Estranjeiru, Hernâni Coelho, ba Jornalista sira depois de partisipa inkontru Timor-Leste and Development Partners Meeting (TLDPM), ho nia tema “Financing for Sustainable Development in Timor Leste,“ iha CDD, Dili, 4/7/16.

“Ita foka ba iha area Agrikultura liu-liu ba iha area Nutrisaun ho Siguransa Alimentar, ita sei foka liu mos ba iha Edukasaun e Edukasaun ho Kualidade, ita foka liu ba iha bolu dehan katak infrastrutura bazika atu bele apoiu dezenvolvementu, ita foka liu iha seitor reforma ekonomi sira nian, ita foka liu iha seitor saude ninian, buat sira ne’e mak ita focus iha ita nia  janka pendek.”

Iha fatin hanesan, Director Ngo Fongtil, Arsenio Pereira da Silva, afirma mos katak, ”iha tinan oin Sustainable  Development Goals Timor-Leste sei foka ba iha area hat ne’e diak tebes tamba durante ne’e Timor-Leste infrenta  problema ida konaba mal nutrisaun e iha tinan oin Timor Leste rasik sei foka ba mal nutrisaun para bele redus  mal nutrisaun ho oinsa husi sosiadade sivil, setor privado  no ema hotu-hotu hodi atinji ba ida ne’e tamba klaru katak mal nutrisaun ne’e laos husi labarik deit maibe husi inan mos tamba ita hare numeru ne’e aas tebes, oinsa tau perioridade ba ida ne’e, tau programa barak liu iha Ministeriu Saude para bele redus problema  ida ne’e,  laos Ministeriu Saude deit maibe oinsa ema hotu-hotu bele servisu makas para depois hanesan Agrikultura oinsa para produs aihan ne’ebe saudavel, iha nutrisaun, para bele redus mal nutrisaun.”

Alein ne’e, Diretora Fundasaun Alola, Alzira Reis, esplika katak Governu adopta tan ona Sustainable  Development Goals, ne’e tenke esforsu maka’as  presija monitorizasaun no iha avaliasaun e indikador sira ne’ebe Sustainable  Development Goals, tenke focus atu nune bele  atinji lalais maibe ne’e presija tempu naruk.

Alzira Reis afirma liu tan katak ” implementasaun Sustainable  Development Goals  sei fo  mos benefisiu ba feto tamba iha numeru balun mak koalia konaba Igualidade Jeneru, tamba asuntu feto ne’e Cross Cating ne’ebe atu ba fali be’e mos, ita kolia konaba feto sei tama iha ne’eba , ne’ebe sira konsedera asuntu Igualidade Jeneru iha ne’eba ne’e, inportante  e hau hanoin asuntu Igualidade Jeneru ne’e  laos deit Timor mak sai preokupasaun maibe ne’e Global.“

Inkontru Timor-Leste and Development Partners Meeting (TLDPM), ho nia tema “Financing for Sustainable Development in Timor Leste “,halao durante Loron rua 4-5/7/2016.

Radio Liberdade Dili