DILI,
(ANTIL) – Ministru Planeiamentu no Investimentu Estratéjiku, Kay-Rala
Xanana Gusmão hateten, Governu Timor-Leste (TL) apoiu Governu Portugal ho
orsamentu montante €2 Milliaun la’ós selu favór maibé apoiu solidariedade.
Apoiu
ida ne’e relasiona ho akontesentu inséndiu iha Portugal, fulan ida ne’e, ne’ebé
halo terus ona populasaun barak.
Uluk
iha tempu rezisténsia, nasaun oi-oin inklui Portugal apoiu buat barak ba Timor
nia luta. Tan ne’e, tuir Xanana, TL iha dever apoiu fali Portugal.
“Ita
fó resposta di’ak ba solidariedade ne’ebé uluk ema hatudu ba ita,” nia dehan
perante membrus no ofisiais F-FDTL iha Kuartel Jenerál F-FDTL Fatuhada, Dili,
Kuarta, (10/8).
Nia
hatutan, TL la’os de’it apoiu Portugal maibé ajuda ona nasaun sira seluk
hanesan Estadus Unidus Amérika, Haiti, Xina, Japaun, Thailándia, Indonézia,
Illa Pasífika, Vietnam no Afrika.
Ba
futuru, tuir nia, invés apoiu de’it ho osan, maibé TL liu-hosi F-FDTL tenki
diretamente ba nasaun balun ne’ebé presiza tulun.
“Ita
ba hanesan militár ba ajuda hodi hametin relasaun povu ninian no militares ho
militares. Ne’e maka dehan nasaun amigu,” eis líder rezisténsia ne’e tenik.
Eis
Komandante FALINTIL rekuñese katak durante ne’e forsa F-FDTL kolokadu iha
nasaun balun maibé ne’e la’ós ba apoiu maibé ba apriende.
“Dala-ruma
haruka forsa ida-rua ba Sudaun no haat-lima ba Libanon, ita senti kontenti ona
tanba ita ba partisipa. Ne’e la’ós ba partisipa maibé ne’e ba apriende,” Xanana
realsa ho oin siak no lian hakilar. (jornalista: Xisto Freitas; editora:
Rita Almeida)
Foto:
Ministru Investimentu no Planeiamentu Estratéjiku, Kay-Rala Xanana Gusmão, kaer
liman ho Maijór Jenerál Lere Anan Timur, molok nia (Xanana) husik hela Kuartel
Jenerál F-FDTL atu fila hikas ba ninia kna´ar fatin, Kuarta (10/8). Foto
ANTIL/Xisto Freitas
Lee
mos iha ANTIL
3 comentários:
TIMOR-LESTE LA DEVE FAVOR IDA BA PORTUGAL...PELO KONTRATRIO COLONIALISTA PORTUGAL MAKA DEVE PERDAUN BA TIMOR OAN.....TAMBA COLONIALISMO ESCRAVATURA HALO TIMOROAN LA DESENVOLVE AN......!!
SE EMA BALU DEVE FAVOR KARIK HARE SELU HO OSAN RASIK,...TAMBA POVU MOS PRESIJA OSAN ATU HADIAK SIRA NIA MORIS......
Konkorda ho komentariu belun anonimo, TIMOR LESTE nunka deve pavor Portugal nian, karik lideransa balun senti deve pavor Portugal nian, hare hasai osan rasik, lalika lori povo terus nain ida nia osan restu.oitwan nebe Portugal naok too hela deit maka nia kulit taka ruin nee, povo TIMOR LESTE, iha direitu atu husu responsabel ba Portugal konaba povo nia riku soin nebe durante kolonia TIMOR obriga povo TIMOR selu taza ba Portugal no riku soin rai leten nia nebe lori ba harii cidade Portugal. laos pelo kontrariu.
Konkorda ho komentariu belun anonimo, TIMOR LESTE nunka deve pavor Portugal nian, karik lideransa balun senti deve pavor Portugal nian, hare hasai osan rasik, lalika lori povo terus nain ida nia osan restu.oitwan nebe Portugal naok too hela deit maka nia kulit taka ruin nee, povo TIMOR LESTE, iha direitu atu husu responsabel ba Portugal konaba povo nia riku soin nebe durante kolonia TIMOR obriga povo TIMOR selu taza ba Portugal no riku soin rai leten nia nebe lori ba harii cidade Portugal. laos pelo kontrariu.
Enviar um comentário