Padre diosezanu dahuluk sira Ataúro nian "halo ona revolusaun" iha illa timoroan

Bainhira sira to'o iha Timor-Leste iha tinan 2004, padre italianu sira Chico ho Luiz iha hanoin hodi deskansa hafoin iha tinan 34 nia laran serbisu iha besik São Paulo ho Fortaleza maibé hafoin ne'e sira envolve iha projetu sira ne'ebé muda ona illa Ataúro.

Liutiha tinan 12, volume serbisu nian kontinua, no iha daudaun projetu oioin, hosi dimensaun ki'ik no boot, iha illa besik kapital timoroan nian, Díli.

Sira ba iha Brazil iha ámbitu hosi movimentu Konsíliu Vatikanu daruak, ne'ebé hakarak lori tan padre sira ba Amérika Latina maibé vivénsia iha Brazil muda ona nia dalan hodi haree fé, knaar Igreja nian no hosi ministériu rasik.

"Brazil muda ona ha'u nia hanoin hosi ministériu, hosi ha'u nia serbisu. Iha Brazil igreja foti opsaun preferensial ba ema kiak sira, la'o hamutuk ho ema kiak sira, humanamente, ko'alia tuir polítika nian", padre Luiz konta ba Lusa.

Nia hatete katak movimentu ida ne'ebé ajuda ona harii komunidade sira hosi baze ne'ebé fortalese ona Partidu Traballador sira (PT, ne'ebé iha poder), serbisu hamutuk ho komunidade sira ne'ebé iha zona viziñu sira no kolabora ho apoiu "espiritual, material no polítika" hodi nune'e "povu kiak sira bele fortalese iha polítika".

Padre Chico (Francesco Moser), tinan 79, no padre Luiz (Pierluigi Fonastier), ho tinan 76, sai nu'udar padre diosezanu dahuluk sira ne'ebé maka hela permanente iha illa, ne'ebé populasaun metade hanesan Katólika, metade protestante no ne'ebé prezensa hosi padre sira uluk, to'o agora, hanesan iha de'it vizita pontual sira.

Iha inísiu hanesan buat estrañu ida ba komunidade lokal - hanesan esplika hosi padre Luiz ba Lusa (nia kolega halo hela tratamentu médiku iha Itália no sei fila iha tempu badak) - maibé ohin loron hanesan ona "normal" entre populasaun rezidente sira iha illa liuliu iha Maquili.

Luiz, ne'ebé moris iha Bolzano, iha rejiaun italianu Tirol, no sai hosi uma ho tinan 29, esplika katak hafoin fulan rua ka tolu iha kontatu ho autoridade relijiozu sira iha Timor-Leste - ne'ebé vizita hosi diosezanu na'in rua ne'e hamosu supreza ida - maka mosu ideia hodi ba iha Ataúro.

"Iha ne'e iha Timor-Leste ladún iha esperiénsia hosi padre diosezanu sira ne'ebé mai hosi rai seluk. No bainhira ami to'o sira haree ho estrañu oituan. Ba dala uluk maka ema na'in rua ne'ebé laiha konviti mai hela iha ne'e. Sira la hatene atu halo saida ho ami", nia hanoin hikas.

Nune'e konversa ida ho bispo Díli nian, iha tempu ne'ebá, Alberto Ricardo da silva, hamosu sujestaun hodi ba iha illa Ataúro, illa ki'ik ne'ebé iha populasaun rihun 10 resin, ne'ebé iha kritériu tomak ladún iha diferensa ho zona sira periferia hosi sidade boot brazileiru sira nian.

Serbisu hahú ona, ho susar balun, "liuliu tanba kestaun kultura nian", no ho neineik padre na'in rua ne'e hahú envolve ho komunidade hodi hahú ho nia esperiénsia brazileiru iha serbisu sosial no promosaun humanu, projetu ida ne'ebé importante liu hosi illa.

Hanesan sistema ida hodi lori bee ba família hamutuk 340 iha lokalidade no, antes, harii hariis-fatin ho kualidade hamutuk 340, iha komunidade ida ne'ebé antes laiha hariis-fatin ida.

Luiz admiti katak iha projetu sira hanesan ne'e, ne'ebé família sira hetan kedas benefísiu, nia envolvimentu hanesan "fásil liu" duké sira seluk ne'ebé benefísiu "hanesan liu ba komunidade", hodi lamenta katak hanesan ezemplu, populasaun lokal sira la halo manutensaun ba estrutura sira balun inklui, liuliu, ba filtru ida ne'ebé instaladu hodi halo bee sai moos.

Aleinde projetu ne'e, padre na'in rua ne'e sai hanesan responsável ba projetu ida importante liu ba illa, Bonecas de Ataúro, koperativu ida ne'ebé nia sele iha Vila Maumeta, ne'ebé ho operasaun besik dékada ida resin, sai hanesan fonte prinsipal ida hosi rekursu nian ba illa ki'ik ida, apoia diretu ba ema na'in 500 resin no família hamutuk 50.

Sira apoia mós kriasaun hosi restaurante rua, ida maka iha modelu koperativu, projetu Biojoia, hodi halo no fa'an korente sira no sasán dekorativu sira seluk no projetu foun ida ikus maka Tilapia Alimentação e Comércio ne'ebé envolve kriasaun ba ikan sira no atividade turístika balun.

Iha faze konsolidasaun nian - ne'ebé interompe tanba problema sira saúde hosi padre Chico - iha mós projetu Varanda Verde, ba hijiene no saúde no envolve, iha aspetu sira seluk, halo produtu sira hijiene nian no ai-moruk tradisional sira.

"Ami seidauk bele deskansa maka'as", admiti hosi padre Chico.

Hato'o ona naran hosi pároku na'in rua ne'e ba iha edisaun dasia, iha tinan ne'e, hosi Prémiu Direitu Ema nian Sérgio Vieira de Mello, iha kategoria Direitu Sosial sira nian, Ekonómiku no Kultural sira, ne'ebé fó hosi xefe Estadu Taur Matan Ruak.

Desizaun hosi Prezidente Repúblika kona-ba premiadu sira iha tinan ne'e sei fó sai iha tempu badak.

SAPO TL ho Lusa - Foto@ António Sampaio / Agência Lusa