DILI,
(ANTIL) – Maski hetan “tawaran” oi-oin hosi partidu politikus balun hodi
hamutuk iha partidu ida deit ba eleisaun jeral 2017, Vise Sekretariu Jeral
Partidu FRENTE-MUDANSA, Francisco Dionisio Fernandes alias Maukura pronto
kandidata an ba kargu Sekretariu Jeral nia partidu ba priodu tinan lima oin mai.
“Hau simu konfiansa barak hosi militante sira
katak, hakarak hau avansa ba sekretariu jeral. Maibe, buat sira ne’e depende ba
delegadu iha kongresu,” informa Maukura ba ANTIL, via rede social, Segunda
(05/09/2016).
Nia
hateten, nudar fundador FRENTE-MUDANSA nia fo fila fali ba delegadu sira, tamba
sira mak iha poder ba kongresu hodi nomea figura se-se deit mak merese atu
lidera partidu ne’e ba eleissaun jeral 2017, inklui kargu sekretariu jeral.
“In
prinsipiu hau la kestiona ona se-se mak sei lidera partidu ne’e ba oin, maibe
karik delegadu hakarak, hau prontu simu kruz todan ne’e hodi lori vitoria
FRENTE-MUDANSA iha eleisaun tinan oin,” temi Maukura, politikus ne’ebe ho
esperensia lubuk ida iha areia diplomata ne’e.
Iha
2012, Maukura ne’ebe ho background mate restu masakre 12 Novembru 1991 hetan
konfiansa asumi kargu sekretariu jeral no dadauk ne’e asumi hela knar nudar
diplomata iha Embaixada Timor-Leste iha Bangkoke, Thailandia. Antes servisu iha
Thailandia, Maukura mos hala knar hanesan nudar diplomata iha Embaixada Timor-Leste
iha Manila, Filipina.
Hamutuk
ho nia lideransa, FRENTE-MUDANSA iha eleisaun jeral 2012 konsege hetan kadeira
rua iha Parlamentu Nasional no hetan konvite hosi Partidu CNRT hamutuk ho
Partido Demokratiku (PD) hari’i V Governu Konstitusional.
Dadauk
ne’e FRENTE-MUDANSA lidera hosi Prezidenti partidu, Jose Luis Guterres no kargu
Sekretraiu Jeral antigu asumi hosi Jorge Teme. (jornalista: Zezito da
Silva; editor: Gantry Meilana)
Foto:
Francisco Dionisio Fernandes "Maukura" foto hamutuk ho Sekretraiu
Jeral FRETILIN, Mari Alkatiri ho nia kompanheiru mate restu 12 Novembru. Antes
hamutuk ho FRENTE-MUDANSA, Maukura mos nuudar militante FRETILIN.
Sem comentários:
Enviar um comentário