Prezidente
Repúblika timoroan, Taur Matan Ruak, despede iha loron-kinta ne'e hosi forsa
defeza no destaka "priviléjiu" bainhira sai nu'udar soldadu no
agradese serbisu hosi sira ne'ebé luta ona ba independénsia no hodi harii
instituisaun sira Timor-Leste nian.
"Ohin
hanesan ha'u nia okaziaun hodi hato'o obrigadu. Hanesan onra boot no priviléjiu
ida ba ha«u hodi sai ona hanesan imi nia Komandante Supremu", nia hatete
iha serimónia hosi aniversáriu ba dala 16 Falintil - Forsa Defeza Timor-Leste
(F-FDTL) nian, iha nia diskursu ikus nu'udar xefe Estadu no komandante supremu
hosi forsa timoroan nian.
Taur
Matan Ruak, ne'ebé hakotu nia mandatu iha loron 20 Maiu no sei la kandidata
fali, hanoin ema sira ne'ebé mate ona hodi defende Timor-Leste, nia afirma
katak "valor sira ne'ebé motiva ema sira ne'e, dedikasaun no kombate ona
iha jerasaun oioin kombatente sira nian, ho baze importante ne'ebé hanesan.
Prinsípiu
sira ne'ebé konsagra iha Estandarte Nasional F-FDTL nian, kondekoradu
simbolikamente hosi Taur Matan Ruak tanba hanesan "sasin fiel hosi legadu
ida ba serbisu importante ne'ebé hala'o (…) ba kauza libertasaun nasional
nian".
"Kondekorasaun
(…) fó prémiu ba korajen no determinasaun hosi guerilleiru sira Libertasaun
Nasional nian ne'ebé kombate ona no mate ona iha luta no signifika onra ida ba
imi no ba Forsa Armada sira", nia hatete.
"No,
nune'e, ho justisa tomak maka ha'u fó rekoñesimentu públiku iha serimónia ne'e,
bainhira fó ba Estandarta Nasional F-FDTL nian Orden FALINTIL nian no determina
distintivu ne'e iha Estandarte Nasional ba imi nia responsabilidade", nia
esplika.
Xefe
Estadu husik klaru iha nia diskursu orgullu tanba serbi no lidera ona grupu
ne'ebé hahú hanesan forsa rezisténsia ida no transforma ona iha instituisaun
ida ne'ebé garante soberania nasional.
"Ha'u
fila fali mai uma ne'e, la'ós ba despedida ida, maibé ba liafuan ida gratidaun
nain no fidelidade. Ha'u hakarak atu imi hotu hatene katak, nu'udar sidadaun,
ha'u nia rekoñesimentu sei eternu tanba iha priviléjiu boot iha ha'u nia moris:
sai nu'udar soldadu ida Timor-Leste nian", nia hatete.
Taur
Matan Ruak hanoin hikas momentu ikus sira antes harii formal F-FDTL, iha 2001,
bainhira hamutuk ho soldadu sira iha nia komando - iha tempu ne'ebá hanesan
hela rezisténsia armada hosi rezisténsia timoroan nian - konsentra iha Aileu
"hafoin luta armada naruk no todan ida iha rezisténsia hasoru okupasaun
estranjeiru no hein ho ansi ba objetivu ne'ebé hanoin hosi luta ida dura tinan
25 nia laran - independénsia Timor-Leste nian".
"Hatene
katak dalan transformasaun nian hosi forsa guerilleiru nain iha forsa armada
sira, FDTL, sei naruk no sei husu esforsu no solidariedade hosi ita hotu",
nia hatete no nune'e maka presiza ona apoiu internasional no konstrusaun hosi
instituisaun timoroan sira nian.
Xefe
Estadu insisti ona iha nesesidade hodi mantén karakter "nasional tebes no
laiha partidu ruma" hosi asosiasaun konstitusional entre Prezidente
Repúblika no Forsa Armada sira "objetivu ne'ebé, nafatin, tenki hetan
konsensu maka'as no atensaun prioritáriu ida hosi ajente polítiku tomak no hosi
órgaun soberania nian".
Nia
hanoin, liuliu, tinan ikus, ho tensaun balun iha lideransa F-FDTL nian maibé
ne'ebé militar sira "halo kestaun atu ita nia polítiku sira respeita ba
prinsípiu sira transparénsia no étika nian, kontribui ba reforsu hosi klima ida
uniaun nian, estabilidade no seguransa nian".
"Imi
hatene hein hakmatek ba desizaun polítiku ne'ebé hatudu profisionalizmu aas,
prova ida ba maturidade demokrátiku ne'ebé boot no respeitu institusional ida
no sentidu serbisu ba Timor-Leste", nia hatete.
Taur
Matan Ruak husik, iha partikular, "homenajen loloos" ida ba atuál
komandante F-FDTL nian, major jeneral Lere Anan Timur (ne'ebé troka Taur Matan
Ruak rasik iha xefia forsa defeza nian), "ne'ebé nia banati tenki
konstitui hanesan fonte inspirasaun ba jerasaun futuru sira" no na nia
númeru daruak, brigadeiru Filomeno Paixão.
SAPO
TL ho Lusa
Sem comentários:
Enviar um comentário