Espoza PR Eleitu Cidalia Guterres Sei Fo Apoiu Ba Nia Kaben

DILI - Espoza Prezidente Republika eleitu Cidalia Guterres afirma, hanesan espoza sei fo apoiu tomak ba nia kaben (Red.  Francisco Guterres Lu-Olo) nudar Xefi Estadu iha nasaun nee.

Hanesan espoza no inan ba hau nia oan sira, hau sei fo apoiu tomak ba hau nia kaben, para hodi halao servisu hanesan Prezidente Republika, iha ita nia nasaun ida nee,” dehan Espoza PR elitu Cidalia Guterres, ba jornalista sira iha sede CCF, Comor, Dili, Sabdu (25/03/2017).

Alende fo apoia ba nia kaben, Cidalia Guterres mos sei halao aktividade sosial hanesan vizita oan kiak sira, faluk ferik katuas sira, defisiensia no ema kbiit laek. Inan ba nasaun nee mos agrdese ba povu tomak, liu liu ba feto maluk sira neebe maka ezerse ona sira nia votus hodi fo ba Prezidente da Republika eleitu.

Iha fatin hanesan Prezidente eleitu Francisco Guterres Lu-Olo hateten, hanesan espoza, Cidalia akompania nia no hare nia oan sira, no presta mos aktividades sosiais. Prezidente Republika eleitu Francisco Guterres Lu-Olo hateten, Naran deit maka ema bolu Primeira Dama, maibe laiha lei no konstituisaun RDTL hateten konaba Primeira Dama. Carme Ximenes

Suara Timor Lorosae