Kalohan Konkorda Halo Revizaun Ba Lei Pensaun Vitalísia

“Tenke halo revizaun klean ba buat ida titularidade ne’e, labele husik benefisia de’it grupu elite enkuantu grupu ne’ebé maka kraik ninian ita husik nafatin,” Kalohan dehan, “Ne’e responsabilidade ida ba prezidenti atu akonsella katak deputadu sira ne’ebé mai halo duni reprezentasaun ba povu.”

Kandidatu Prezidenti (Kanprez) da Repúblika hosi Partidu Demokrátiku, António da Conçeição “Kalohan” hatete Leo Pensaun Vitalísia (LPV) halo Prezidenti da Repblika (Taur Matan Ruak) iha hela dilemátiku nia laran maibé di’ak liu prezidenti promilga LPV hodi labele fó todan ba estadu Timor-Leste.

“La promulga agora benefisiu ba fali tan sira hotu, situasaun ne’e dilemátiku. Ha’u prefere Prezidenti da Republika bele promulga agora maibé nafatin iha konsisténsia katak reve lei ne’e tenke hanoin ba ema seluk nia terus,” Kanprez, António da Conçeoção “Kalohan” hatoo kestaun ne’e bainhira bartisipa iha Konferensia Organizasaun Masa Juventude Demokátiku (PUDD), Sábadu (25/02/2017), iha Jomi Restaurante, Bidau Lecidere, Dili.

Prezidenti tenke fó fila konsiénsia ida ba reprezentante povu iha Parlamentu Nasionál katak buat ne’ebé sira halo benefísiu ne’e ba ema tomak, labele benefisia grupu elite ne’ebé dehan katak sira maka reprezenta povu.

Tenki halo vizaun ida mais justu, nia dehan, hodi haree mós ba ema ki’ak sira ne’ebé sei barak los. Nia esplika ita labele kria kondisaun ne’ebé favorese de’it ba sira ne’ebé maka di’ak tiha ona atu mantein di’ak ne’ebé sira iha enkuantu ema sira ne’ebé kbi’it laek sei nafatin moris ho terus.

“Tenke halo revizaun klean ba buat ida titularidade ne’e, labele husik benefisia de’it grupu elite enkuantu grupu ne’ebé maka kraik ninian ita husik nafatin,” nia dehan, “Ne’e responsabilidade ida ba prezidenti atu akonsella katak deputadu sira ne’ebé mai halo duni reprezentasaun ba povu.”

Entretantu, Konsileiru Partidu Klibur Unidade Nasionál Timoroan (KHUNTO), José dos Santos “Naimori” hatete iha nasaun ida pensaun vitalísia labele lakon, se lae nasaun bele rahun tanba ema laiha vontade atu halo serbisu.

“Pensaun Vitalísia kabele lakon, lakon ne’e nasun bele rahun tanba ema laiha vontade atu serbisu. Nia ba para atu naok no estraga de’it,” Naimori hato’o lia hirak ne’e bainhira partisipa iha konferensia organizasaun feto no juventude KHUNTO, iha Salaun Canosa, Has-Laran, Sábadu (25/02/2017).

Nia aseita halo redusaun ba LPV tanba ezemplu hanesan nasaun sira boot iha mundu ho sidadaun barak maibé nunka atu halo lakon LPV. Tanbasá Timor nasaun ki’ik ho povu oituan de’it tenke halo lakon LPV.

Nia dehan buat barak maka sira ko’alia no halo maibé laiha asentu iha parlamentu tanba ne’e bainhira povu fó fiar ba KHUNTO maka sira sei halo di’ak liutan. (Efrem)

Matadalan