PLP Prontu Simu Taur Matan Ruak Hanesan Lideransa

DILI – Partidu Libertasaun Popular (PLP) prontu simu Taur matan Ruak autal Prezidente Republika atu involve iha estrutura partidu, hanesan lideransa kuandu mandatu remata.

Tuir Segundu Vise Prezidente Partidu Libertasaun Popular Interinu Andre da Costa Belo Alias L4 katak partidu libertasaun popular rezistu iha tribunal prezidente mak Aderito de Jesus, Sabino Guntur no Andre da Costa Belo L4 inkliu lideransa Minsipiu nian.

Prezidente Republika Taur matan Ruak hatete nee los, seidauk involve iha PLP maibe nudar sidadaun  hakarak PLP ami simu nia tamba ami hare nia lideransa no ami nia komandante iha ailaran,” dehan L4 ba STL Segunda (13/03/2017) iha nia knar fatin, Maskarinhas.

Nia hatete Prezidente Republika Taur Matan Ruak kuandu mandatu remata iha 20 Maio, sai sidadaun bai-bain hakarak involve Aan iha partidu PLP prontu simu maibe agora sei asimu knar hanesan prezidente neebe seidauk involve iha PLP.

Iha fatin ketak Prezidente Republika Taur Matan Ruak hatete nia naran seidauk rezistu nia naran involve iha partidu PLP ba rezistu iha Tribunal, maibe foin halo deklarasaun publiku seidauk vale tamba nee lalika preokupa.

Nunee mos Diretur Luta Hamutuk Mericio Akara katak Prezidente Republika Taur Matan Ruak harii partidu Politiku laiha problema tamba nee nia direitu tomak, tan nee importante liu mak respeitu malu hanesan lider sira seluk neebe mak iha partidu. Timotio Gusmao.

Suara Timor Lorosae