Fidelis Rezeita PLP Fahe Ba Grupu Rua

DILI - Vise Prezidente Partidu PLP Fidelis Magalhaes rezeita PLP fahe ba grupu rua, tanba to oras nee partidu nee nia Prezidente ida deit maka Taur Matan Ruak, laiha tan ema seluk.

Tuir hau hatene minute ida nee PLP nee ida deit nia Prezidente maka naranTaur Matan Ruak, Eis Prezidente da RDTL, eis Senfa no Eis Komandante de pois de maun Xanana Gusmao ba rezistensia libertasaun da Forsa Armadas FALINTIL nian, laiha tan ema seluk,” dehan Fidelis, ba STL, iha PN, Dili, Sesta (29/09/2017).

Nia dehan, To agora sira hatene deit ida nee, sira lahatene PLP nee iha rua ka tolu.

Iha parte ketak Jose da Costa hanesan observador nasional hateten, hari partidu hodi hadia povu nia moris, no tau interese nasional as liu buat hotu, laos hari partidu para atu hari fali ba grupu no familia.

Entretantu tuir informasaun neebe maka espaila iha publika katak, partidu PLP fahe ba grupu rua hanesan grupu intelektuais no veteranus. 

Carme Ximenes | Suara Timor Lorosae