Iha
loron-sesta ne'e Governu Japaun hatete katak "senti preparadu" hodi
hasoru ameasa hosi Koreia-Norte ne'ebé hatete katak atu lansa bomba hidrojéniu
ida ba oseanu Pasífiku, hodi hatán hasoru diskursu hosi Prezidente
norte-amerikanu, Donald Trump.
Ministru
porta-vós hosi Ezekutivu japunés, Yoshihide Suga, hatete ona katak Japaun
"preparadu ba situasaun ne'e", tanba autoridade sira hala'o hela
"vijilánsia ho di'ak" no nia klasifika ona hanesan
"intolerável" ba ameasa ne'ebé halo hosi rejimi norte-koreanu.
"Japaun
sei halo esforsu nesesáriu sira hodi proteje seguransa hosi povu japunés
nian", nia hatete iha konferénsia imprensa.
Ministru
Negósiu Estranjeiru norte-koreanu, Ri Yong-ho, hatete ona katak nasaun bele
lansa, hanesan teste, bomba hidrojéniu ida ba Pasífiku, hanesan halo parte hosi
"resposta iha nível aas tebes" ne'ebé halo hosi líder Kim Jong-un ba
Estadus Unidus.
"Bele
sai hanesan detonasaun poderozu liu hosi bomba H ida iha Pasífiku", Ri
hatete ba meiu komunikasaun súl-koreanu sira iha hotel iha Nova Iorke, bainhira
asisti hela asembleia-jeral ONU nian.
Ri
hatán ona hanesan ne'e bainhira ema husu kona-ba mensajen hosi Kim, ne'ebé
aviza ona xefe Estadu norte-amerikanu katak sei selu karun tanba diskursu
"exéntriku" iha ONU ne'ebé Trump ameasa halo estraga total ba
Koreia-Norte.
SAPO
TL ho Lusa
Sem comentários:
Enviar um comentário