DILI
- Harii Empreza Estatál no dezenvolve indústria, nu’udar programa prioridade ba
Ministru Komérsiu Indústria no Ambiente (MKIA), António da Conceição, iha
sétimu governu konstitusionál ne’ebé lidera hosi Mari Alkatiri.
“Iha
programa tinan lima nian atu harii empreza estatál, nune’e iha parseria ida
ne’ebé mak labele hein de’it katak emprezáriu nasionál mak atu harii fábrika
boot iha Timor-Leste,” António da Conceição hatete iha Timor-Plaza,
horisehik.
Razaun
harii empreza tanba durante ne’e realidade hatudu katak Sira (emprezáriu
nasionál) mós laiha kapasidade finanseira natoon atu bele halo, sira karik iha skill ida
atu jere negósiu nian maibé laiha kapasidade finanseira atubele hamosu, pur
ezemplu fábrika ruma iha Timór.
Nune’e
Governu tenke halo parseria ida ho sira hodi bele loke empreza estatál iha
Timor-Leste. Aleinde ne’e ministru mós propoin ona iha programa atu hahú
dezenvolve indústria iha Timor-Leste, tanba indústria nia produtu mak sai ba
atividade komérsiu. Sé indústria ne’e la prodúz komérsiu mós sei la la’o.
Area
indústria sira ne’ebé sei dezenvolve, ida mak, dezenvolve parke industriál iha
Timór liuliu bele integra servisu públiku ninian hodi bele mós integra joven
sira.
“Ha’u-nia
programa ne’ebé ha’u hakarak nafatin mak hasees joven sira ne’ebé mak iha ona
uma-kain maibé sei hamutuk hela de’it ho inan-aman para depois fó pezu ba
inan-aman nafatin no labele sees no sira tenke kria empregu ba sira, forma empregu
ida oin nu’usá sei buka atu hala’o,” Antonio esplika.
Tuir
nia empreza estatál depende ba buat ne’ebé halo tanba parseria mas sertamente
sé finansiamentu husi Governu nia ligasaun ne’e sempre direta ba iha komérsiu
ou indústria nian.
“Agora
daudaun ne’e buat ne’ebé mak ha’u konsebe mak ida prosesamentu alimentár ne’e
tenke ser sai empreza estatál labele atu dehan katak ne’e kompañia ida mesak
ninian, nia sei laiha kapasidade atu halo buat ida ne’e mesak depois mak halo
ligasaun ba esportasaun. Eis Ministru Edukasaun ne’e realsa no promete katak
tinan lima tenke halo, inklui buat seluk ne’ebé mak nia tan mak infraestrutura
hodi suporta dezenvolvimentu ba ekonomia nasionál.
Jornalista:
Maria Auxiliadora | Editór: Manuel Pinto
Sem comentários:
Enviar um comentário