Diskusaun programa VII Governu iha PN, Forsa rezerva Díli sei fó seguransa

Forsa Rezerva Munisípiu Díli, Sesta (13/10/2017),  hala´o treinamentu ho objetivu  hodi prepara seguransa ba diskusaun programa VII Governu  iha   Parlamentu Nasional (PN) semana oin mai ne’e. Alende ne´e Forsa Rezerva sei fó seguransa ba manifestasaun Movimentu Universitariu Timor-Leste (MUTL) nian kona-ba problema leilaun kareta Prado 65, ne´ebé mak deputadu terseira lejislatura utiliza to´o oras ne´e.

Alende ne´e Forsa Rezerva sei fó seguransa ba manifestasaun Movimentu Universitariu Timor-Leste (MUTL) nian kona-ba problema leilaun kareta Prado 65, ne´ebé mak deputadu terseira lejislatura utiliza to´o oras ne´e balun entrega ona sei falta kareta kareta 20 mak eis deputadu hirak ne’e seidauk entrega ba  patrimoniu PN.

Treinamentu  ne´e  involve  ajenti hamutuk  nain 20,  ne´ebé mak utiliza ekipamentu hanesan tamen hodi salva fatuk ka ai wainhira tuda husi  manifestante ka masa sira, iha manifestasaun nia laran.

Tipu treinamentu ne´e oin tolu mak hanesan, muda manifestante do´ok husi edifisiu públiku, hapara manifestasaun kuandu mosu anarkismu ruma, no oinsa salva  Very Important  Persons husi fatin akontesimentu hodi evakua ba fatin livre.

“Diskusaun   programa   Governu  nian ne´e eventu  ne´ebé mak bo´ot tebes.  Tanba  ne´e mak ami prepara pesoal hotu,  tantu fizikamente moralmente ami  prepara hotu”, esplika Segundu Komandante  PNTL Munsípiu Díli, Superintendente  Asistente, Euclides Belo, ba jornalista sira, Sesta (13/10/2017),  hafoin partisipa iha dialogu entre profesor no  inan aman husi estudante Ensino Báziku Sentral Farol Dili.

Euclides Belo mós kontinua hateten, treinamentu  ne´e normal   kada Sesta feira.

“Ami halaó treinamentu ida  ne´e, iha desportu  no treinamentu fiziku. La´os de´it diskusaun iha Parlamentu Nacional,  maibe ba mós komunidade   ne´ebé mak la´o iha luron laran hodi ami bele garante seguransa ba sira”, dehan Euclides Belo.

Enkuante  ekipamentu  ne´ebé  Forsa Rezerva utiliza hodi hala’o treinamentu  VII Goveru ho orsamentu  $ 2 milloens husi  Kompañia Norinco Xina.   Ekipamentu hirak ne´e mak hanesan  gas lakrimujeniu no seluk tan.  Objetivu sosa ekipamentu refere hodi garante seguransa ba eleisaun parlamentar  ne´ebé mak akontese ona iha loron 22 fula Jullu tinan 2017.

Ita  bo´ot sira hatene katak, ami-nia ekipamentu  ne´e foun. Tanba ne´e mak atu utiliza ekipamentu hirak ne´e ami tenki halo ezersisiu”, dehan Euclides Belo.avi

GMN TV

Lee hotu iha GMN TV:

LERE BOLU ATENSAUN BA MUTL, KOIDADU HO APROVEITAMENTU ‘INIMIGU’