Timor-oan Tenke Hakruk Ba Eroi Sira

DILI, (TATOLI) – Fundadór Nasaun Timor-Leste, José Ramos Horta, hato’o mensajen ba povu tomak katak Timor-oan tenke hakruk ba eroi sira tanba sira nia sakrifísiu mak determina ba ukun rasik-án.

Relasiona ho proklamasaun independénsia 28 Novembru ba dala 42 ne’ebé sei selebra iha Suai, atuál Ministru Estadu Konselleiru Seguransa Nasionál, ba jornalista sira iha Palásiu Governu ohin, katak eroi sira nia sakrifísiu mak ohin loron Nasaun ukun rasik-án no Timor-Leste bele ko’alia krize polítika ida tanba iha demokrásia, se demokrásia mak la iha, la iha krize polítika.

Entretantu, tinan 40 resin ona, hahú luta iha tempu portugés kedas maibé komesa mehi hodi hanoin ba ukun-án.

Diplomata seniór ne’e haktuir uluk Nicolau Lobato, Marí Alkatiri no joven barak esperiénsia la iha liu maibé hahú mehi ba ukun-án.

Momentu ne’eba ema barak hateten ba ami dehan mehi ne’e ikus no lalika mehi tanba imi sei la hetan independénsia, konta Horta.

Ho dezafia hirak ne’e nia dehan ho esforsu hodi luta nafatin iha rai laran no iha estranjeiru tuir mehi ne’ebé iha.

Entretantu, rezisténsia iha fatin rua, hahú iha luta armada no esterna depois rezisténsia tama iha Dili organiza klandestina, entaun hamosu frente tolu.

Kuandu frente tolu ne’e hamutuk hahú joven sira IMPETTU, RENETIL, OJETIL, sira kontribui maka’as iha Dili no iha Indonézia.

Kuandu Timor-oan sira ba eskola iha Indonézia liuhosi matebian Mário Viegas Carrascalão loke odamatan Indonézia hafoin joven sira tama ba eskola, entaun komesa lori ona luta ba Indonézia.

Luta klandestina, luta polítika kuandu la’o ba oin, Renetil sira hanesan Mariano Sabino atuál Ministru Minerai, matebian saudozu Fernando Lasama no seluk tan ne’ebé kaer hotu iha Indonézia.

Jornalista: Zezito Silva | Editora: Rita Almeida

Imajen: Eis-xefe estadu, José Ramos Horta. Foto Tatoli: Rafy Belo