Alkatiri : Oposizaun Kontra Rajaun Biar Maioria Mos Lavale

DILI - Oposizaun maioria Parlamentar (CNRT, PLP no Khunto) neebe konntra rajaun maioria iha Parlamentu Nasional lavale, tanba latau prioridade ba povu nia moris.

Primeiru Ministru Mari Alkatiri, Fiar katak debate neebe deputadu sira halo iha Parlamentu Nasional, iha Tersa (19/12/2017) nee furak tebes, hatudu se maka iha rajaun se maka laiha rajaun, I kontra rajaun biar maioria mos sei laval, tanba nee maka konkluzaun maka nee ou  servisu hamutuk ou tenke iha eleisaun antisipada.

Hau fiar katak debate ohin nee furak tebes hatudu se maka iha rajaun se maka laiha rajaun I kontra rajaun biar maioria mos sei laval, tanba nee maka konkluzaun maka nee ou ita servisu hamutuk ou tenke iha eleisaun antisipada,” dehan PM Mari, ba STL, bainhira natal hamutuk ho sosidade sivil, iha Farol, Dili, Tersa (19/12/2017).

Iha biban nee mos Xefi Governu hateten, Politika VII Governu Konstitusional ida nee nian duni atraves sosiadade sivil, tanba sosiadade sivil sai parseiru ba dezenvolvimentu rai ida nee, I mos fo mensajen ida ba esperansa iha hakmatek.

Iha fatin hanesan Ministru Estadu no Ministru Rekursus Minerais Mariano Assanami Sabino hateten, Orsamentu Ratefikativu nee osan boot nee atu selu ba aktividade neebe ke husi Governu anterior mai agora, liu liu ba projetu infraestrutura sira, tanba orsamentu nee boot iha infraestrutura nia bele aprova banhira deit, tanba lahalo fila fali hanesan tende entaun lakleur lalais deit. 

Carme Ximenes/Maria Lay | Suara Timor Lorosae