DILI,
(TATOLI) - Ministériu Planu no Finansa (MPF), iha Sétimu Governu Konstitusionál
kontrata asesór hamutuk ema na’in-neen ne’ebé kompostu husi timoroan na’in-haat
no na’in-rua husi ema internasionál hodi hala’o knaar iha Gabinete Ministru no
Vise-Ministru, lei fó dalan.
“Tuir
Rejime Jurídiku Gabinete Ministeriál, Ministru no Vise-Ministra Planu no
Finansa iha liberdade atu hili ema sé de’it bazeia ba méritu no konfiansa
pesoál, atu fó prestasaun servisu liuhusi kontratu termu sertu ho modalidade
Ajuste diretu,”, sita iha komunikadu ne’ebé Tatoli asesu ohin. Nu’udar resposta
ba publikasaun iha mídia sosiál Face book kona-ba kontratasaun asesór nasionál
no internasionál nian.
Iha
komunikadu ne’e mensiona katak asesór sira ne’ebé halo serbisu iha gabinete,
inklui iha área jurídika, polítiku no tékniku espesializadu liga ho Fundu Mina
rai no investimentu, jestaun Finansa públika, impostu ka reseita no
kontabilidade públika.
“Lei
fó dalan no determina númeru asesór ba Gabinete Ministru no Vise-Ministra nian.
Tanba kestaun efisiénsia, maka deside atu mantein númeru ida ki’ik. Asesór sira
ne’e selu ho orsamentu doadór ne’ebé parseria diretamente ho Ministériu Planu
no Finansas iha ámbitu fortalesimentu ba Jestaun no Supervizaun ba Finansa
Públika.”
Entretantu https://web.facebook.com/CNRTMediaCenter/publika,
VII Governu Hakarak Sakrifika Kontratadu Atu Fó Moris ba Asesór Sira! Ministru
Prezidénsia Konsellu Ministru Adriano do Nascimento deklara katak bainhira
Orsamentu Retifikativu la pasa maka Governu sei hapara kontratu ba funsionáriu
kontratadu sira ne’ebé servisu iha instituisaun estadu nian tanba laiha
orsamentu atu selu. Maibé realidade hatudu katak tuir informasaun no bazeia ba
evidénsia ne’ebé CNRT Media Center hetan katak VII Governu liuhosi Ministru
Planu e Finansas Rui Gomes halo namanas rekrutamentu ba asesora internasionál
no nasionál hamutuk na’in neen ne’ebé ho saláriu total tinan ida nian hamutuk
besik $500,000.00!
Ida
ne’e maka hatudu momoos intensaun husi VII Governu nian hodi uza razaun
hotu-hotu hanesan kestaun ema moras, ai-moruk, saláriu ba funsionáriu públiku,
membru F-FDTL no PNTL, inklui saláriu ba kontratadu sira hodi fó presaun ba
Bloku AMP atu aprova Orsamentu Retifikativu ne’ebé tuir loloos Governu jestaun
seidauk iha kompeténsia atu aprezenta, enkuantu osan atu selu ba asesór sira iha
hela. CNRT Media Center mós hetan asesu ba iha kontratu husi asesór sira ne’e
no sei publika bainhira nesesáriu.
Husu
ba públiku atu labele monu ba propaganda VII Governu nian ne’ebé hateten katak
laiha osan atu selu funsionáriu kontratadu sira tanba oras ne’e governu rasik
halo ona kontratu ho asesór sira ne’ebé manán dalas rihun ba rihun kompara ho
funsionáriu públiku no funsionáriu kontratadu sira.
Jornalista:
Maria Auxiliadora | Editór: Manuel Pinto
Sem comentários:
Enviar um comentário