DILI - Prezidente Konsellu
Imprensa (KI), Virgilio da Silva Guterres husu ba publiku presiza fo tratamentu
diak no dignu ba ba jornalista nasional sira.
“Ami mai hatoo ami preoukupasaun
balun, kona ba saida maka ita nia meiu Komunikasaun Sosial sira sei infrenta,
liu-liu jornalista sira infrenta bazeia ba akontesimentu neebe akontese iha
Aeroportu kona ba tratamentu ba jornalista sira neebe la ho dignu,” dehan
Prezidente KI, Virgilio da Silva Guterres ba jornalista sira hafoin remata
enkontru ho Prezidente Republika, iha Palasiu Prezidensia Nicolau Lobatu
Bairu-Pite, Dili, Sesta (16/03/2018).
Nia dehan, publiku nia tratamentu
nee laos iha Aeroportu deit maibe, iha eventu barak maka akontese, tanba nee
maka Konsellu Imprenza mai koalia ho Prezidente Republika, atu oinsa
komunikasaun ho orgaun sira seluk atu tau atensaun ba jornalista sira ho diak.
Prezidente KI husu ba orgaun ka
instituisaun sira neebe responsabiliza ba serimonia protokolu sira, bainhira
ema boot ruma atu mai ka atu ba, tanba sei iha regra iha neeba hateten
jornalista labele tama, entaun jornalista mos presiza kumpri labele tama. Maibe
regra nee ba jornalista hotu-hotu, labele ida tama, ida fali labele tama. Entaun
ida nee sira halo ona diskriminasaun, nee laos orgaun maibe, nee
diskriminasaun.
Notisia kompletu lee iha jornal
edisaun Sabado, (17/03/2018)
Madalena Horta | Suara Timor
Lorosae
Sem comentários:
Enviar um comentário