DILI, (TATOLI) – Vise
Ministra Negósiu Estranjeiru no Kooperasaun (MNEK), Adaljiza Magno, hato’o
proposta kona-ba aumentu sentru votasaun iha rai liur ba orgaun eleitorál maibé
iha ona konkordánsia atu estabelese sentru votasaun foun tolu iha sidade
Portu-Portugal, Belfast no Oxford-Inglaterra.
“Ami temi posibilidade maibé iha
ona aseitasaun hosi orgaun eleitorál atu bele halo mudansa hodi loke tan sentru
votasaun iha diáspora hanesan fatin tolu mak iha Portugal loke tan ida iha
Portu no Inglaterra iha Belfast no Oxford”, Adaljiza ba jornalista sira hafoin
hasoru malu ho Komisaun Nasionál Eleisaun (CNE-sigla portugés) no Sekretáriadu
Tékniku Administrasaun Eleitorál (STAE) iha salaun CNE, Kaikoli, ohin.
Nia dehan asuntu ne’e presiza
trata ho Governu Inglatera atu permite loke sentru votasaun foun tan. Hodi
hatutan MNEK aumenta tan sentru votasaun, hosi Austrália iha sentru votasaun
tolu, Korea Sul ida, Portugal uluk ida maibé aumenta ida ba rua no Inglaterra
uluk ida no agora aumenta ba tolu.
Aban orgaun eleitorál anunsia ona
maibé sira sei halo ajustamentu tanba presiza halo koordenasaun ho Governu
Inglatera karik resposta pozitivu ona signifika proposta la’o nafatin.
Iha fatin hanesan, Diretór Jerál
STAE, Acilino Manuel Branco, salienta MNEK ohin mai informa atu loke tan sentru
votasaun foun tanba sira mak hatene liu kondisaun reál iha rai liur maibé sira
mós kumpre regra estabelesimentu sentru votasaun iha rai liur.
Ezemplu, atu estabelese sentru
votasaun foun presiza eleitór sira ho mínimu 50. Sentru votasaun foun tolu
hetan ona konkordánsia mútua no aban halo ona publikasaun iha Jornál Repúblika
tuir lei haruka katak até loron 30 molok ba eleisaun.
Enkuantu, Prezidente CNE, Alcino
Barris, reforsa orsamentu ne’ebé atu finansia ba prosesu tomak liuhosi dotasaun
governu nian no totál orsamentu depende ba proposta ínisiu entre MNEK no
Ministériu Administrasaun Estatal halo no alokasaun orsamentu kada fulan
ba diáspora.
Entretantu, sentru votasaun
provizóriu teritoriál hamutuk 843 no estasaun votu hamutuk 1.118, nune’e
eleitór sira hamutuk 789.986.
Jornalista: Zezito Silva | Editora: Rita Almeida
Imajen: STAE FB
Sem comentários:
Enviar um comentário