DILI - Tribunal Rekursu iha
loron 03/04/2018, halo sorteiu ba lista partidus politikus sira, atu kompete
iha eleisaun antisipada. Iha numeru sorteiu nee, PEP numeru primei no ultimu
mak AMP.
Lia hirak nee, hatoo husi
Prezidente Tribunal Rekursu Deolindo Dos Santos, bainhira remata sorteiu nee,
iha Tribunal Rekursu Tersa, (03/04/2018).
“Ohin ita halo sorteiu ba lista
kandidatura ualu, lista neebe aprezenta mai sanulu, iha 28 desizaun primeru sai
dehan katak, lista kandidatura neebe bele tuir nee, ualu deit. Iha prazu loron
ida nia laran, neebe sente katak, prejudikadu ho desizaun primeru nee, bele
rekore. Iha lista kandidatura rua mak rekore, mai tribunal rekursu kolektivu
nian, maibe tribunal rekursu deside iha loron Sabadu 31/04/2018, mantem nafatin
desizaun neebe hasai ona, lista kandidatura admitidu atu konkore elisaun iha 12
de Maiu 2018, ho lista kandidatura ualu deit,” dehan Deolindo.
Nia afirma tan, buletim de votus
nee, sei atribui tuir sekuensia sorteiu neebe halao ona nee, lista primeru mak
PEP, segundu PD, terseru PR, kuartu FRETILIN, kintu MSD, sexto MDN, setimo FDD,
ikus liu mak AMP.
Iha fatin hanesan Diretor
Nasional STAE, Acelino Manuel Branco hateten, faze ba kandidatura remata
horiseik, tribunal hatoo ona desizaun final, sobre kandidatura difinitivu ba
iha STAE, tuir loron tolu tutuir malu, STAE halo ona publikasaun ba media
komunikasaun hotu.
Notisia kompletu lee iha jornal
STL edisaun Kuarta (04/04/2018).
Terezinha De Deus | Suara Timor
Lorosae
Sem comentários:
Enviar um comentário