DILI: Polisia Nasionál
Timor-Leste (PNTL) kaptura joven na’in tolu husi Munisípiu Baukau tanba envolve
konfrontasaun. Ema hirak ne’ebé hamosu violénsia ne’e deskonfia mai husi grupu
arte-marsiál sira.
Akontesimentu ne’e iha Bruma,
Baukau, Sesta (30/3). Seidauk hatene klaramente kona-ba motivu husi
akontesimentu ne’e tanba prosesu investigasaun sei kontinua la’o nafatin.
Prezidente Administradór
Munisípiu Baukau, António Agostu Guterres hateten, seidauk hatene klaru grupu
sira ne’e mai husi ne'ebé. Tanba sei dauk iha informasaun loloos.
Tanba ne’e, nia husu ba polisia
sira atu kontinua buka informasaun nafatin para bele identifika grupu rua ne’e
mai husi ne'ebé.
Nune’e, Adjuntu Komandante
Polisia Munisípiu Baukau, superintendente Jhony Viana hateten, kazu ne’e iha
ona prosesu nia laran.
Kazu ne’e rasik mós seidauk
hatene ninia kronolojia, maibé tempu badak polisia sei informa motivu
akontesimentu ne’e.
Maski informasaun seidauk klaru,
maibé tuir fonte balun, konfrontasaun ne’e mosu husu grupu rua arte-marsiál
Persaudaraan Setia Hati Terate (PSHT) no Kmanek Oan Timor Rai Klaran
(KORK).
Tomé Amado | Independente
Sem comentários:
Enviar um comentário