DILI: Presidente bloku AMP, Kay Rala Xanana
Gusmão rezigna husi kandidatu membru governu konstitusionál tanba hakarak halo
ona tranzisaun jerasionál hodi depozita ona fiar governasaun ba jerasaun foun
sira atu governa ba futuru.
Vise-Prezidente Bankada CNRT,
Patrocínio dos Reis hatete, Xanana hanesan lider antigu iha vontade atu tau iha
pratika kona-ba tranzisaun jerasionál.
Maski agora daudaun ne’e iha hela li'ur
la tama ba governasaun, maibé politikamente apoiu. Tanba ne’e, promove daudaun
jerasaun foun sira atu lori estafeta governasaun ba oin.
“Ha’u hanoin maun boot
Xanana Gusmão ema ne’ebé estadista, tanba ne’e nia hatene saida mak atu halo ba
nasaun ne’e. Rezignasaun ne’e laiha relasaun ho estabilidade governativa
períodu ne’e”, tenik nia, iha Uma Fukun PN, horisehik.
Xanana iha preokupasaun
boot ba futuru nasaun nian, tanba ne’e la tama governu mós responsabilidade
ninian ba rai no povu ne’e boot liu governante sira ne’ebé oras ne’e daudaun
tuur iha estrutura.
Fatin ne’ebé Xanana husik ne’e ema CNRT mak sei ba asume,
maibé ne’e konforme desizaun lideransa altu nivel partidu nian no Primeiru
Ministru mak bele haree atu tau ema ne’ebé iha kapasidade. Bainhira tau iha
fatin ne’e karik bele garantia sustentabilidade ministériu ne’e nian ba futuru.
Independente
Sem comentários:
Enviar um comentário