DILI, (TATOLI) – Ministru
Reforma Lejislativa no Asuntu Parlamentár, Fídelis Magalhaẽs,
hateten auditória sosiál ne’ebé halo hosi Organizasaun Naun Govermentál
Timor-Leste (FONGTIL) ba programa governu importante.
“Auditória iha kontestu haree
duni programa sira ne’ebé governu implementa ne’e fó benefisiu duni ba
populasaun no sente sai nain ba programa ne’e ka la’eʺ, ministru hatutan hafoin halo diskusaun ho reprejentante
sosiedade sivíl iha Palásiu Governu, ohin.
Governu sei hametin liután
kooperasaun ho sosiadade sivíl hodi kontinua implementa programa ne’e.
ʺGovernu
ida ne’e sei haree modelu di’ak hodi kopera ho organizasaun sosiadade sivíl iha
programa auditória sosial ne’eʺ, realsa.
Kordenadór ba konsellu Diretiva
Rede Auditória Sosial FONGTIL, Dinorah Granadeiro, hateten sorumutu
introdús servisu auditória sosiál ne’ebé sosiadade sivíl implementa.
ʺPrograma
importante haat maka ita asina ho governu hanesan saúde, infra-estrutura,
agrikultura ho edukasaun, tanba setór haat ne’e sai xave importante ba
dezenvolvimentuʺ, dehan.
Tuir nia FONGTIL sai fonte
informasaun hodi relata preokupasaun no kesar povu nian ba governu relasiona ho
implementasaun projetu iha baze.
Rekomendasaun balun maka rede
ne’e hato’o ona ba Governu dahituk hanesan ema ho defisiente matan, tilun,
fíziku no seluktán labele asesu edukasaun ho di’ak.
Alende ne’e mós preokupasaun
seluk ne’ebé liga ho área agrikultura, saúde no infraestutura.
Entretantu, Governu estabelese
ona nota entendimentu iha tempu Governu dahituk.
Jornalista: Agapito dos Santos | Editora:
Rita Almeida
Imajen: Ministru Reforma
Lejislativa no Asuntu Parlamentár, Fídelis Magalhaẽs. Foto Egas
Cristovao
Sem comentários:
Enviar um comentário