Timor-Leste hakarak taka lalais
ona negosiasaun sira ho Portugal konabá Programa Estratéjiku Kooperasaun nian
(PEC), ne'ebé maka sei kontinua hela reflete implementasaun portugués hanesan
"estratejia soberania nian", hatete ministru Negosiu Estranjeiru interinu
iha loron-tersa ne'e.
"Ami iha interese hodi taka
lalais ona akordu ne'e hodi bele implementa efikazmente hodi fó rezultadu di'ak
ba Timor-Leste", hatete Agio Pereira, ministru de Estadu na Prezidénsia do
Konsellu de Ministrus no tranzitoriamente ho tutela dos Negósiu Estranjeiru, ba
Lusa.
"Programa ne'e sei kontinua
reflete vontade no obrigasaun órgaun soberania timoroan sira nian no avansa ho
prosesu implementasaun lian portugueza hanesan estratéjia soberania nian",
hatete.
PEC foun ne'ebé maka negosiadu
hela entre responsavel nasaun rua ne'e substitui tiha ida ne'ebé hotu tiha ona
iha tinan 2017 no alargadu ba tinan ne'e tanba situasaun impase politiku iha
Timor-Leste, ne'ebé maka realiza iha tinan ne'e eleisaun antesipada.
Espektativa dahuluk maka
dokumentu ne'e bele asina ona iha semana ne'e, iha atual vizita sekretaria de
Estadu dos Negosius Estranjeirus no Kooperasaun portugueza, Teresa Ribeiro nian
ba Timor-Leste.
Dokumentu ne'ebé maka
"pratikamente konkluidu ona", tuir fonte diplomatika sira no Governu
nian konfirma katak, sei la asina, tanba tenki analiza fali iha Konsellu
Ministrus.
Teresa Ribeiro sei iha Dili too
loron-kuarta ba kontaktu oioin ho autoridade timoroan sira no reponsavel ba
áreas tutela oioin ne'ebé relevante ba kooperasaun bilateral, iha planu
politiku sira, ekonomiku-komersial, edukativu, kultural ka dezenvolvimentu
nian.
Ho ajenda kontaktu ne'ebé
hanesan, reuniaun sira serbisu nian no vizita koretzia, inklui mós enkontru ho
Prezidente da Repúblika, Francisco Guterres Lu-Olo, ho primeiru-ministru, Taur
Matan Ruak, no ho membru sira seluk ezekutivu nian.
Teresa Ribeiro mós ba vizita
projetu Quinta de Portugal, iha Aileu no Eskola Portugueza iha Dili, reuné ho
koordenador no responsavel prinsipal sira projetu kooperasaun nian iha setor
edukativu no prevista enkontru ida ho prezidente Parlamentu Nasional.
SAPO TL ho Lusa
Sem comentários:
Enviar um comentário