DILI: Hataan ba reasaun
Parlamentu Nasionál nian ne’ebé la aseita viajen Xefe Estadu nian ba partisipa
reuniaun Asembleia Jerál Nasoins Unidas, iha Novaiorke, Prezidente Repúblika
soe hela piada ba deputadu sira.
PR Lú Olo dehan, atu analiza no
promulgasaun lei OJE ne’e funsaun ida Prezidente Repúblika nian, ne’ebé bele
halo iha rai laran ka iha rai li'ur durante viajen ofisial ka viajen traballu
ruma.
“Tanba ohin loron ita iha meius
modernu komunikasaun hodi hala’o servisu iha fatin ne’ebé de’it”, tenik nia.
Ne’e duni, Xefe Estadu husu atu
lalika uza argumentasaun ne’ebé buka ignora ka distorse realidade ne’e.
Promulgasaun Lei OJE ne’e
akontese iha kontestu ne’ebé Timor-Leste nia ekonomia nasionál atravesa hela
faze ida difisil tebes.
Iha fatin hanesan, Primeiru
Ministru, Taur Matan Ruak hateten, iha OJE 2019 ho montante biliaun $1.3,
Governu kontinua absorve ba área infraestrutura hanesan estrada, bee moos no
eletrisidade no sei investe maka’as fali iha área sosiál bainhira rezolve ona infraestrutura
ne’ebé menus.
Cristina Ximenes | Independente
Sem comentários:
Enviar um comentário