Tempestade tropikal ida ne'ebé
bele aumenta ba intensidade hosi siklone, ho rajada to'o kilómetru 80 tuir oras
ida, movimenta hela ba Timor-Leste, ne'ebé sei sente nia intensidade to'o
loron-kinta, haktuir hosi previzaun meteorolójiku sira.
Previzaun hosi Bureau
Meteorolojia nian (BOM) hosi Governu australianu iha Northern Territory divulga
iha loron-kuarta ne'e konfirma katak sistema tropikal ho presaun ki'ik lokaliza
ona iha loron-kuarta loraik ne'e iha iha kilómetru 420 resin hosi leste-nordeste
Díli nian.
Ho anin 55 km/h , sistema karik sei
forte liután durante kalan, aumenta neineik ba súl durante loron-kinta
madrugada, hodi sai hosi Timor-Leste iha de'it loron-sesta.
BOM refere katak "udan boot
sei sai hanesan impaktu prinsipal" hosi sistema, ho presipitasaun ida
ne'ebé sei to'o entre 100 mm
no 200 mm ,
"maski zona pontual balun bele iha total diáriu sira besik 300 mm besik hosi sentru
sistema nian".
"Udan boot sira iha
potensial hodi halo rai monu iha área foho sira iha Timor-Leste", refere hosi
BOM.
Rajada sira anin nian bele
aumenta liuliu iha metade oriental illa Timor nian, ho anin médiu ho 85 km/oras
no rajada sira to'o 120 km/oras, liuliu iha zona hosi sentru sistema nian.
Ba loron-kuarta ho loron-kinta
iha previzaun ba udan ho rai-tarutu, ho kapital sei hetan posibilidade ba
tempestade maka'as.
Lusa | SAPO TL
Sem comentários:
Enviar um comentário