Kankru Servís Ameasa Inan Feto Sira Nia Saúde

DILI, 08 maiu 2019 (TATOLI) – Kankru servís ameasa ba inan feto sira nia saúde, maske moras ne’e parte balu bele prevene no halo tratamentu, maibé moras ne’e mós todan makas. Tanba ne’e,  dalan global hodi kombate problema mak halo konsulta ne’ebé komprensivu no vasina.

Komunikadu ne’ebé Ajénsia TATOLI simu relata katak, kankru srvís perigu ba feto sira nia saúde no iha mundu, moras ne’e hamate feto ida iha minutu rua, feto ho idade 30 to’o 40 maka hetan risku boot liu atu dezenvolve moras ne’e.

Maiu 2018, Diretór Jerál OMS, Tedros Adhanom Ghebreyesus, apela hodi elimina moras ne’e nu’udar  problema saúde públiku, subliña importánsia ba nivel altu atu apoiu, inklui husi parseiru globál sira. Iha Fevereiru tinan ida ne’e Kuadru Ezekutivu OMS nota katak presiza asaun desizivu urjente, hodi lori kestaun ida ne’e ba Asembleia Saúde Mundiál iha maiu. To’o tempu ne’ebé maka, Membru Estadu hotu, inklui husi Rejiaun Sudeste Aziátiku, sei iha oportunidade atu ko’alia kona-ba resposta ne’ebé iha hodi elimina moras ne’e no hodi bele manan moras ne’e ba feto nia saúde. Sei sura hotu kada votu.

OMS esplika klaru ona katak, asesu ba vasina human papilloma virus (HPV) ne’e importante tebes hodi bele halo mudansa ne’ebé lais no ba tempu naruk. Tanba tipu hotu husi infesaun HPV la kauza kankru servís, maske nune’e kuaze kazu kankru servís hotu kauza husi HPV. Fó doze rua vasina HPV ba labarik feto, idade entre tinan sia no sanulu resin haat atu sira protejidu di’ak liu tan hasoru HPV ne’ebé kauza kankru servís, nune’e sei hamenus todan moras ida ne’e nian. Sira mós bele hetan informasaun ne’ebé promove hahalok saudavel ne’ebé maka bele ajuda prevene kankru servís. To’o ohin loron, Bhutan, Sri Lanka, Thailand, no foin lalais ne’e, Maldives introdús ona vasina ne’e iha nivel nasionál, enkuantu iha India Provínsia Sikkim halo ona vasina ne’e hanesan parte husi oráriu rotina. Bangladesh, Indonesia, Nepal no provínsia balun iha India hala’o ona projetu pilotu.

“Ita tenke louva inisiativa hirak ne’e. bainhira inisiativa laiha, tenke buka tuir inisiativa hirak ne’e. Maibé importante hanesan mós ho kompromisu nasionál, iha fatór seluk mós ne’ebé kontribui, hahú husi aprovizionamentu vasina no kestaun fornesimentu to’o presu no sustentabilidade, liu-liu bainhira ekonomia sa’e no nasaun muda husi asisténsia esternál. Enkuantu mekanizmu Rejionál inovativu hanesan Rede Reguladór Sudeste Aziátiku bele fó impaktu ne’ebé forte (liu-liu kona-ba transparénsia presu no negosiasaun koletivu), presiza asaun ne’ebé rigorozu hodi solusiona kestaun fornesimentu vasina hodi refleta ho didi’ak ambisaun Membru Estadu sira nian. Tamba ne’e maka importante tebes atu fó apoiu ba ambisaun globál ida ne’e.”

Maske nune’e, vasina mesak labele sai hanesan solusaun ikus – ida ne’e tenke akompaña liuhusi hasa’e servisu saúde ne’ebé maka sufisiente no baratu hodi halo diagnóstiku no tratamentu teknolojia, inklui lezaun ba pre-kankru. Halo diagnóstiku ne’e rekomenda ba feto hotu husi idade 30 no halo diagnóstiku beibeik depoizde ida ne’e. Maske nune’e nasaun hotu iha Rejiaun ida ne’e integra ona medida hirak ne’e iha planu diagnóstiku nasionál ba kankru servís, no halo implementasaun – liu-liu iha nivel primáriu – tenke aumenta makaas hanesan parte husi objetivu jerál husi Kobertura Saúde Universal, hamutuk ho servisu integradu ne’ebé di’ak liu. Atu atinje ida ne’e, presiza Membru Estadu hotu  ratifika medida pro-ativu ne’ebé presiza, nune’e mós promove adezaun globál liu husi Asembleia Mundiál ba Saúde no enkontru nivel altu orientada ba asaun kona-ba Kobertura Saúde universal iha Asembleia Jerál ONU nian tinan ida ne’e nia laran.

OMS sei  hamriik metin hodi fó apoiu ba Membru Estadu sira atu utiliza medida intervensaun hotu hodi prevene, deteta no halo tratamentu ba kankru servís durante moris tomak. Hodi nune’e, OMS kontinua nafatin ajuda Membru Estadu sira hodi utiliza momentum globál no inovasaun ne’ebé presiza atu halo progresu ida lais hodi elimina kankru servís hanesan problema saúde públiku. Hamutuk ita tenke haforsa ita lian no subliña todan ne’ebé feto iha Rejiaun ida ne’e tenke sofre ba tempu naruk liu. Hamutuk ita tenke aselera progresu hodi elimina kankru servís dala ida no ikus nian.

Entretantu, kankru servís bele afeta feto hotu iha ne’ebé de’it, nia impaktu boot liu atu iha mudansa; feto sira ne’ebé sofre kankru servís  kuaze porsentu 90 maka hela iha nasaun ho rendimentu ki’ik no médiu, inklui sira ne’ebé iha rejiaun sudeste aziátiku. Hanesan númeru ne’e hatudu ona katak kankru servís iha sentru ba dezigualdade ba kontestu lokál no global.

Importante tebes atu kombate moras kankru servís, iha rejiaun ne’e responsabiliza ba populasaun ida hosi populasaun hosi mundu, rejiaun ne’e reprezenta kazu porsentu 28 hosi kazu foun 570.000 ne’ebé tama kadan tinan. Aat liután, iha 2018 rejiaun ne’e responsabiliza ba porsentu 30.7 hosi mate 311.000 ne’ebé kauza hosi kankru servís  tinan-tinan, mate kuaze liuhosi 95.000 maske progresu makas la’o daudaun ne’ebé membru Estadu sira halo ona kona-ba feto nia saúde, feto sira kontinua iha kotuk nafatin bainhira tama ona iha prevensaun, detensaun no halo tratamentu ba kankru servís inklui lezaun pre-kankru nian.

Organizasaun mundiál saúde no membru Estadu sira servisu hodi muda lala’ok moras servís, tuir programa prioridade emblemátiku rejiaun nian ne’ebé maka kada membru estadu ajuda dezenvolve nasaun hotu kompromete atu investe iha “best-buys” ho objetivu atu prevene moras la iha kontajioza inklui kankru servís, nune’e mós atu atinje kobertura saúde universal ne’ebé sei haforsa servisu saúde hodi ajuda prevene infesaun liuhosi vasinasaun, ajuda detensaun sedu no fornese tratamentu pre-cancerous.

Importante liu membru Estadu sira iha kompromisu implementa iha rejiaun ne’e nia kuadru estratéjia rasik ba kontrolu komprensivu, nune’e mós ba pakote treinamentu organizasaun saúde mundiál prodús ona hodi suporta pesoál saúde sira iha nivel hotu.

Jornalista: Zezito Silva | Editór: Francisco Simões

Imajen: Virus ne'ebé provoke hamoris kankru servís. Imajen/google