FC PORTO TAIBESSI MANAN AS LERO 6-1

Ekipa Futebol Club (FC) Porto Taibessi manan (FC) AS Lero 6-1 iha jogu ba Tasa Kopa 12 Novembru iha Stadium Municipál Dili, Sesta-feira (03/7).

Jogu primeira parte foin hahú maibé liu deit minutu ida, FC Porto Taibessi fó kedas presaun maka’as ba ekipa AS Lero. Nune’e jogu kontinua la’o to’o minutu lima (5) nia laran deit, FC Potu Taibessi oferese kedas golu ida ba AS Lero.

Golu bonitu ne’e oferese husi jogadór ho númeru kamizola 11 Ari da Silva.

Ho golu ne’e, halo ekipa AS Lero tenta hodi atakas fila ba baliza FC Porto Taibessi maibé esforsu ne’e lakonsege atinji hodi hatama golu.

No la kleur deit iha 10 minutus nia laran ekipa husi FC Porto Taibessi fó presaun makas hodi rezulta tan golu husi jogadores selesaun nasional númeru kamizola 10 Angison Barbosa no score sai 2-0. I FC Porto Taibessi tenta tan ho atakes ne’ebé di’ak tebes husi jogadores Ari da Silva hasoru baliza AS Lero nia mesak maibé la akontese golu tanba baliza kaer metin bola iha fatin.

Ho nune’e iha 20 minutus nia laran ekipa husi FC Porto Taibessi nia jogadores númeru kamizola 4 José G. da Silva hatama tan golu ida aumenta score ba 3-0. I FC Porto Taibessi halo atakes no ameasa bebeik ba baliza parte AS Lero nian no mosu tan golu iha 22 minutu husi jogadores ekipa FC Porto Taibessi númeru kamizola 19 João Correia tanba oportunidade ne’ebé di’ak hodi aumenta golu ba 4-0 iha jogu ne’e nia laran.

No kontinuasaun jogu ne’e iha 29 minutus jogadores husi ekipa FC Porto Taibessi númeru kamizola 6 José João Rodrigues hatama tan golu ho score aumenta ba 5-0 ba AS Lero. I AS Lero esforsu-an maka’as iha liña penaltu no hetan prezente penaltu suta husi jogadores ekipa AS Lero númeru kamizola 11 Denis Fausi Cardoso iha minutu 31 score muda ba 5-1, maibé FC Porto Taibessi halo atakes maka’as ba baliza AS Lero no rezulta tan golu ida iha 45 minutu primeira parte nafatin husi jogadores ekipa FC Porto Taibessi númeru kamizola 11 Ari da Silva nune’e score sa’e ba 6-1 antes ba intervalu iha jogu primeira parte nian.

Alénde ne’e mós iha segundu parte tama fali kontinuasaun jogu ekipa rua tenta atu halo mudansa score maibé FC Porto Taibessi iha oportunidade barak liu atu hatama tan golu iha 49 minutu liu husi bola kantu maibé baliza salva tiha bola iha kantu refere. I iha 78 minutu Fc Porto tenta tan dala rua husi bola kantu nafatin salva husi baliza.

Iha segunda parte nian jogu ne’e la’o to’o tempu remata maibé laiha mudansa ba golu, nune’e skor ba ekipa rua ne’e 6-1.sil

Jornal Nacional