VENDADORES ABANDONA MERKADU MANLEUANA

Guvernu Timor-Leste esforsu duni ona hodi prepara merkadu ba povu kiik sira atu hala’o atividade negosiu hanesan iha merkadu Manleuan ho Taibessi, maibe realidade vendadores sira balun agora dadaun iha merkadu Manleu halai ba faan iha estrada ibun no balun ba faan fali iha merkadu comoro.

Razaun vendedores sira lakohi faan iha merkadu Manleu tanba laiha kompradores sira atu hola sasan.

Hatan ba preokupasaun ne’e, Diretor Geral do Comercio, Cosme Fatima Baptista da Silva, hateten, vendadores sira lakohi utiliza merkado ne’ebe Governu estabelese ne’e bele kauza husi parte barak hanesan estrada ladiak no seluk tan.

“Ita hare estrada mos seidauk diak, terminal kareta nia mos seidauk iha I ita seidauk iha posibilidade Guvernu para kria kondisoes hotu –hotu nebe nesesaria para primiti ema kompradores sira hotu- hotu ba sosa iha neba,”dehan Cosme Fatima Baptista da Silva, ba Jornal Nacional Diário, Sesta (03/ 07/2015), iha Fomento Mandarin , Dili.

Nia haktuir, vendadores ne’ebe la utiliza merkadu ne’ebe Governu estabelese, ne’e sei tama iha konsiderasaun.

“Sira iha neba faan sasan ladun folin tamba ne’e mak sira halai sai nebe hanesan preokupasaun ida ne’ebe Ministerio Comercio industria e Ambiente iha, maibe ita sei iha esforsu nafatin para neneik- neneik ita kria kondisoens Estrada diak, Terminal diak husi parte Leste no Oeste kareta tama diak ona, kompradores sira mos sei ba sosa sasan iha neba,”akresenta nia.

Nia mos rekoñese, kondisoens agora dadauk iha Merkadu Manleu nia seidauk permite tamba nemak vendadores faan sasan iha merkadu refere dala ruma halo sasan sai aat hotu.

“Ne’e agora sai preokupasaun ida ita tenke fo atensaun neneik- neneik mak ita rezolve tamba ventadores sira mos iha interese para hadia sira nia moris no Governu mos iha interese para hadia kondisoens sira ne’e para la’o diak fila fali,”dehan ni.

Alende ne’e, Santina da Cruz, hateten katak, Merkadu Manleuana ne’e, merkadu ida ne’ebe bo’ot, maibe ema ladun tama barak ba hola sasan nune’e halo sira nian sasan la folin.

“La folin tanba vendadores barak mak sai ba fan sasan iha Elemloi, balun ba faan fali iha merkado Comoro. Entaun ami faan iha ne’e komesa Segunda to’o Sesta ami hetan deit, U$ 5 ou U$ 10, tamba ema ladun mai iha merkadu. agora tama fali ba loron Sabadu no Domingu, hetan U$ 40 ou U$ 50, tamba iha loron rua ne’e mak ema barak mai iha merkadu ne’e,”dehan Santina.

Tamba ne’e Santina husu ba Estadu, haruka vendadores sira ne’ebe mak faan sasan iha Elemloi, ho sira nebe faan ho Gerobak sira ne’e atu tama hotu iha merkadu ne’ebe Guvernu prepara ona.car

Jornal Nacional