Veteranus Australia-Indonesia Sei Partisipa 20 Agostu, Instutusaun F-FDTL Reforma Membru 27

DILI - Komemora tinan 40 loron Falintil nebe monu iha loron 20 Agostu, Estadu Timor leste Konvida Veteranus husi Australia no Indonesia sei partisipa hodi hare prosesu luta Timor Leste nian ba Ukun rasik Aan.

Tuir Ministru Defeza Cirilo Cristovao katak selebrasaun 20 Agusto sei halao iha fatin rua hanesan iha Aileiu-Aiserimou no iha Dili-Tasi Tolu, nebe governu aloka ona osan atu halo komemorasaun nebe hetan apoiu interministeriu hodi selebra tinan 40 loron Falintil.

Ita sei konvida veteranu sira husi Australia no mos Indonesia inklui nasaun sira nebe mak vizinu, ita konvida sira mai atu selebra loron especial ba ita nia loron Falintil,” dehan Cirilo ba Jornalista, Kuarta (05/08/2015) iha Palasiu Prezidensial Nicolao Lobato.

Nia hatete Governu aloka Orsamentu ho Montante kuaze miilaun 1 hodi komemora loron 20 de Agusto nebe mak sei selebra iha Aileiu no iha Tasi tolu, Iha komemorasaun nee mos sei reforma Membru F-FDTL.

Iha fatin hanesan Maijor Jeneral Falintil Forsa Defeza Timor Leste (F-FDTL) Major General Lere Anan Timur hasoru mos ho Prezidente Republika hodi Informa Prosesu Dezemvolvimentu Forsa inkliu preparasaun komemorasaun loron 20 Agusto. Informasaun kompletu iha STL Jornal no STL Web, edisaun Kinta (6/8/2015). Timotio Gusmao

Suara Timor Lorosae