NEW
YORK - Sekretariu Jeral Organizasaun Nasões Unidas (ONU), Ban Ki-moon konsidera
Amu Papa Francisco nu’udar figur humanista iha mundu ho razaun iha papel
importante ba problema sosial sira iha mundu.
Ban
Ki Moon hatete, nia hasoru malu ona ho Papa Francisco ba dala tolu iha fatin
diferente no fahe ona informasaun ba malu kona-ba problema sosial sira iha
mundu hanesan problema saúde, edukasaun, kestaun moral no problema seluk tan.
“Ha’u
fó bem vindo ba Amu Papa iha enkontru Asembleia Jeral ONU iha tinan ida ne’e no
Papa nia prezensa iha ONU nu’udar pasu historiku ida, tanba nia mai aserta
(bertepatan) ho aniversariu ONU ba dala 70 ho tema Strong UN, Better World,”
hatete Ban Ki-moon liu husi konferensia imprensa iha Quartel Jeral ONU, New
York-Estadus Unidus Amerika, Kuarta (16/09).
Papa
Francisco sei hato’o nia diskursu iha Asembleia Jeral ONU iha loron Sesta, 25
Setembru iha horas tuku 8:30 dadersan. Ho aniversariu ONU ba dala 70 ne’e halo
diskursu Amu Papa Francisco nian sai espesial, maibé asembleia Jeral ONU nian
ba tinan ida ne’e mós sei halo diskusaun barak kona-ba ajenda dezenvolvimentu
sustentabel (SDG’s), mudansa klimatika no assuntu importante seluk tan.
Bazeia
ba ajenda seluk ne’e Timor Post hetan asesu iha kuartel Jeral ONU katak, hafoin
diskursu, Papa Francisco sei iha enkontru bilateral ho Sekretariu Jeral ONU,
Ban Ki-moon no Prezidente Asembleia Jeral inklui staff ONU balun.
ONU
nu’udar organizasaun internasionál ne’ebé harii iha tinan 1945, hafoin funu
mundial daruak Remata. Ohin loron Membru ONU hamutuk nasaun 193.
“Ban
Ki-moon iha konfidensialidade katak ho Papa Francisco nia vizita ne’e sei fó
inspirasaun komunidade internasionál hodi atinje dignidade humana ba sira
ne’ebé to’o ohin loron sei buka hela justisa sosial, toleransia no intende ba
malu entre ema ho ema iha mundu ohin loron,” hakotu Ban Ki Moon.(oki)
Timor
Post
Lee
mos Timor Post
Sem comentários:
Enviar um comentário