TRABALLADOR ESTRANJEIRUS IHA OECUSSE HAHÚ TRATA VISTU TRABALLU

Traballadores estranjeirus ne’ebé oras ne’e hala’o servisu iha Zona Espesial Ekonomia Sosial Merkadu iha Oecusse, oras ne’e hahú halo tratamentu ba viztu traballu.

Adjunto Director Servisu Imigrasaun Inspektur Xefi Ricardo Moniz Pade hatete, hotu hotu bele akompaha situasaun iha Oecusse ne’ebé la’o ho infraestrutura, tanba ne’e presiza mos investimentu husi entranjerius atu halao aktividades iha nee’eba.

Nune’e, husi parte Imigrasaun nia haree ema hotu hotu iha direitu atu halo servisu tantu nasional no internasional iha teritoriu Timor laran. Tanba ne’e parte Migrasaun husu ba se deit mak hela iha 13 Munisipiu liu liu ba ema estranjeirus ne’ebe halao aktividades tenke kompri lei Migrasaun Azilu katak kuandu hala’o aktividaes profesionais manan osan, tenke utiliza vistu servisu.

Nia hatutan, kona ema estranjeirus barak mak sai trabalhador iha Oecusse, ne’e los duni, maibe ida ne’e lases husi kontrolu imigrasaun, tamba ne’e mak migrasaun foin lalais ne’e identifika trabalhador lubuk ida mak la utiliza vistu trabalhador.

“Hanesan foin lalais ami halo inspesaun iha Oecusse detekta ema barak mak hala’o aktividade servisu iha neba, konserteza ami kuandu kaer kona tenke la’o tuir prosesu tuir lei ne’ebe vigora iha Timor-Leste no sira mai selu multa depois ami mos iha obrigasaun fo hatene ba kompanha nebe hanesan responsavel ba traballador sira katak hahú husi ami nia notifikasaun ne’e, ita bo’ot sira tenke kumpri ona Lei Migrasaun Azilu katak ema hotu hotu ne’ebe hakarak servisu iha Oecusse ka fatin seluk tenke ho vistu ne’ebe propiu,”dehan Adjunto Dierctor Servisu Imigrasaun Inspektur Xefi Ricardo Moniz Pade ba jornalista sira iha nia knar fatin Kaikoli Dili, Kuarta (16/09/2015).

Nia hatutan, durante ne’e Migrasaun kontinua halo observasaun no kolabora nafatin Ministeriu Negosius Estranjerius tamba sira mak haree kona vistu traballu, no durante ne’e traballador balu ne’ebe servisu iha Oecusse trata ona vistu traballu.nes

Jornal Nacional