Altu
komisáriu ONU nian ba Refujiadu sira, António Guterres, elojia horisehik
"metodolojia razoável" ne’ebé Portugál adota hodi simu refujiadu sira,
ne’ebé liuhosi envolvimentu setór sosiedade oin-oin.
"Karik
la’os metodolojia ideál, maibé razoável", komenta responsável ne’e, iha
konferénsia imprensa ida iha Bruxelas, relasiona ho nesesidade nasaun sira-nian
halo "integrasaun efetiva" ba refujiadu sira.
Iha nia dezlokasaun foin lalais ne’e ba Portugál, Guterres nota kriasaun plataforma ida, ne’ebé mobiliza desde sosiedade sivil, ba igreja katólika, organizasaun la’os-governamentál no autarkia sira hodi garante integrasaun refujiadu sira-nian.
Iha proposta sira Bruxelas nian, Portugál tenke simu ema besik rihun lima.
Dirijente Nasoins Unidas nian insiste iha nesesidade hodi fó atensaun ba Sérvia, ne’ebé simu ema rihun loron-loron, "sein kapasidade absorsaun no la’os nasaun ne’ebé riku", buat ne’ebé bele lori nasaun ba "situasaun imposível".
Karik la foti medida hodi ajuda Sérvia, "kria oportunidade ba kontrabandista" hodi lori refujiadu sira hosi rota europeia foun.
"Ami hakarak solusaun sustentável", argumenta António Guterres hodi reafirma nia sujestaun ba "planu B" hafoin mosu falta unanimidade, iha konsellu extraordináriu iha loron-segunda, entre ministru Interior sira europeu nian ba rekolokasaun ba refujiadu rihun 120.
"Presiza tebes planu B", tenik responsável ne’e, no hatete ktak iha nasaun voluntáriu sira hodi simu ema, tanba ne’e tenke aumenta rekolokasaun no mekanizmu hodi simu ema sai operasionál.
Guterres hakarak atu "simu ema ho didi’ak" imediatamente iha Grésia no iha Itália no hosi ne’ebá mak halo rekolokasaun, no hatete katak apela mós ba nasaun sira Golfo Pérsico nian no ba Amérika Norte hodi simu refujiadu sira.
SAPO TL ho Lusa
Iha nia dezlokasaun foin lalais ne’e ba Portugál, Guterres nota kriasaun plataforma ida, ne’ebé mobiliza desde sosiedade sivil, ba igreja katólika, organizasaun la’os-governamentál no autarkia sira hodi garante integrasaun refujiadu sira-nian.
Iha proposta sira Bruxelas nian, Portugál tenke simu ema besik rihun lima.
Dirijente Nasoins Unidas nian insiste iha nesesidade hodi fó atensaun ba Sérvia, ne’ebé simu ema rihun loron-loron, "sein kapasidade absorsaun no la’os nasaun ne’ebé riku", buat ne’ebé bele lori nasaun ba "situasaun imposível".
Karik la foti medida hodi ajuda Sérvia, "kria oportunidade ba kontrabandista" hodi lori refujiadu sira hosi rota europeia foun.
"Ami hakarak solusaun sustentável", argumenta António Guterres hodi reafirma nia sujestaun ba "planu B" hafoin mosu falta unanimidade, iha konsellu extraordináriu iha loron-segunda, entre ministru Interior sira europeu nian ba rekolokasaun ba refujiadu rihun 120.
"Presiza tebes planu B", tenik responsável ne’e, no hatete ktak iha nasaun voluntáriu sira hodi simu ema, tanba ne’e tenke aumenta rekolokasaun no mekanizmu hodi simu ema sai operasionál.
Guterres hakarak atu "simu ema ho didi’ak" imediatamente iha Grésia no iha Itália no hosi ne’ebá mak halo rekolokasaun, no hatete katak apela mós ba nasaun sira Golfo Pérsico nian no ba Amérika Norte hodi simu refujiadu sira.
SAPO TL ho Lusa
Sem comentários:
Enviar um comentário