Organizasaun
Nasaun Esportadór sira Petróleo nian (OPEP) fó sai ohin iha Viena katak sei
admite hikas Indonézia atu sai hanesan membru kartél hafoin sai durante tinan
hitu no maski hanesan importadór mina nian.
"Indonézia
fó ona kontribuisaun barak ba istória OPEP nian, no ami fó boas-vindas tanba
fila fali mai organizasaun", lee iha komunikadu ida ne’ebé tau iha 'site'
ofisiál grupu nian, sita hosi ajénsia española Efe.
OPEP hatete mós katak nasaun aziátiku ne’e husu atu ativa hikas nia estatutu hanesan membru, ne’ebé sei formaliza iha reuniaun ministeriál tuir mai, ajenda ba fulan dezembru.
"Solisitasaun ne’e haruka ba sira hotu (na’in 12, inklui Angola) nasaun-membru atu hetan konsiderasaun no aprovasaun", afirma diresaun kartél petrolíferu, ne’ebé hatutan katak iha karik resposta pozitiva, ministru Enerjia no Rekursu Naturál Indonézia nian, Sudirman Said, sei hetan konvite hodi partisipa iha reuniaun tuir mai, iha loron 4 dezembru.
Indonézia halo parte iha OPEP iha tinan1962 maibé suspende nia adezaun iha janeiru 2009, bainhira sai fali hanesan importadór líkidu petróleu envezde esportadór.
Nasaun aziátiku ne’e konsidera katak besik esportadór sira sei sai hanesan vantajen ida atu bele responde ba nia nesesidade enerjétika ne’ebé sa’e, afirma jornál lokál sira, sita hosi ajénsia Efe.
Ho previzível entrada Indonézia nian, kartél sei iha membru 13, maihosi Áfrika, Médiu Oriente, Amérika Súl no Ázia.
SAPO TL ho Lusa
OPEP hatete mós katak nasaun aziátiku ne’e husu atu ativa hikas nia estatutu hanesan membru, ne’ebé sei formaliza iha reuniaun ministeriál tuir mai, ajenda ba fulan dezembru.
"Solisitasaun ne’e haruka ba sira hotu (na’in 12, inklui Angola) nasaun-membru atu hetan konsiderasaun no aprovasaun", afirma diresaun kartél petrolíferu, ne’ebé hatutan katak iha karik resposta pozitiva, ministru Enerjia no Rekursu Naturál Indonézia nian, Sudirman Said, sei hetan konvite hodi partisipa iha reuniaun tuir mai, iha loron 4 dezembru.
Indonézia halo parte iha OPEP iha tinan1962 maibé suspende nia adezaun iha janeiru 2009, bainhira sai fali hanesan importadór líkidu petróleu envezde esportadór.
Nasaun aziátiku ne’e konsidera katak besik esportadór sira sei sai hanesan vantajen ida atu bele responde ba nia nesesidade enerjétika ne’ebé sa’e, afirma jornál lokál sira, sita hosi ajénsia Efe.
Ho previzível entrada Indonézia nian, kartél sei iha membru 13, maihosi Áfrika, Médiu Oriente, Amérika Súl no Ázia.
SAPO TL ho Lusa
Sem comentários:
Enviar um comentário