LONGUINHOS LA’OS ONA INTERPOL

Ministru Interior (MI), Longuinhos Monteiro, la’os ona membru International Police (INTERPOL) maibe instituisaun ne’e submete ona ba Policia Centifica Investigação Criminal (PCIC) nia okos.

“Ministru Interior la iha responsabilidade kona-ba INTERPOL. PCIC maka agora responsabilidade ba INTERPOL,” informa Direktur Nacional PCIC, Hermengildo da Crus ba Jornalista iha Palacio Nobre, Lahane, Dili, Sesta (18/9/2015).

Hahuu kedas iha loron 1 Fevereiru 2015, PCIC maka kaer responsavilidade INTERPOL, ne’ebe hahuu ho kapasitasaun ba   Xefi Departementu ho ninia   investigador sira.

Maske PCIC toma konta ba INTERPOL, hateten Hermenegildo, oras ne’e PCIC nia edefisiu proprio seidauk iha hodi utiliza hela hela edefisiu INTERPOL iha Ministerio Interior.

Tuir lei PCIC dekretu lei numeru 15, 14 Maiu 2014, iha artigu 7 koalia kona-ba kompetensia Departementu INTERPOL ne’ebe mak husi parte integral ida husi PCIC, entaun   Departementu INTERPOL ne’e mak iha kompetensia hodi halo kordenasaun Polisia Internacional.

Kordenasaun ne’ebe mak hahu iha 1/2/2015   hodi to mai agora INTERPOL hetan ona sukssu lubuk ida ne’ebe mak iha PCIC ho ko’operasaun INTERPOL ho nasaun hot-hotu, iha Asean ho Eropa ho Afrika.

“Ita nia INTERPOL ho PCIC detekta   ona katak, iha kazu hat ne’ebe involve Timor oan sai vitima I mos Timor oan ne’ebe mos sai sai suspeitu ba transfere osan Internasional, transfere osan husi fatin hat ne’e hamutuk besik miloens 2 USD ba nasaun ketak,” afirma Hermenegildo da Cruz.

Timor oan mos sai suspeitu hodi lohi emprezariu bo’ot sira Korea nian, nune’e emprezario ne’e haruka osan mai iha nia konta bankaria iha Timor. Signifika komete kazu kazu frauda.

Kazu ida mos Timor oan ida lakon nia osan kinentus mil ba ema ne’ebe mak mai servisu iha Timor depois lori halai lakon tiha, entaun INTERPOL iha faze ida ba halo hela investigasaun.

Husi kazu sira ne’e hato ona ba iha Ministeriu Publiku (MP) iha Julhu 2015 , ho nune’e, PCIC hein hela delega kompetensia husi MP para nune’e bele iha mandatu kapturasaun ba ema.

“Bainhira Mandatu ona husi MP fo mai, ita haruka ba INTERPOL sira I bele kopera ho ita iha nasaun ne’ebe membru ba INTERPOL bele ajuda Timor kaptura ema sira ne’e,” tenik Hermenegildo.

Husi sorin seluk, Ministru Justisa Ivo Valente liu husi reniaun Konselhu Suprior iha loron 9/ Setembru 2015, esklui tiha Direktur PCIC Hermenegildo da Cruz, bainhira atu disidi futuru PCIC.

“Reniaun Konselhu Suprior ida, Konselhu PCIC nian ne’ebe nia konvida Ministru Interior Longuinhos Monteiro, Ministru Defesa Cirilio Cristovão ho Prokurador Geral Jose Ximenes, depois esklui tiha Direktur Nacional hanesan Xefi ba Instituisaun ba Polisia ne’e depois la iha partisipasaun husi Xefi Departementu sira kona-ba Konselhu Suprior ne’e,” afirma Hermenegildo da Cruz.

Iha artigu 28 lei organiku PCIC nian dehan katak, Ministru Justisa mak prizidi Konselhu Suprior ne’e, maibe ba Ministru Defesa no Seguransa bele prezidi Konselhu Suprior wainhira aujensia Ministru Justisa nian. Signifika Ministru Justisa Ivo Valente nia viola artigu 28 husi lei organiku husi PCIC nian esklui Direktur Nacional husi Konselhu Suprior ne’e, entaun ida ne’e iha ona intervensaun politika ne’ebe ho intensaun politika ne’ebe la diak hodi intervein iha PCIC ninia autonomo administrativa patrimonial.

‘ Hermenegildo da Cruz hatutan, Ministru nia intervensaun ne’e, primeiru nia hahu lei organika MJ nian ne’ebe hato ba iha Konselhu ministru iha aritgu 6 ne’e la kondis ho lei organika PCIC   nian ne’ebe sai dia 14/5/2014.

‘ Hermenegildo da Cruz akresenta, lei organika MJ nian ne’ebe mak foin lalais sai iha fulan Agostu ne’e, lei jeral. Agora, iha arigu 6 kodiku sivil dehan katak, lei espesial hanesan PCIC nian ne’e prevelezia ba lei jeral ne’e la bele revoka.

Nia konsidera Ministu   iha intensaun, tanba iha artigu 6 lei organika MJ nian ne’e hakarak haklo’ot lei PCIC nian iha artigu 2 dehan katak, PCIC ne’e korpu superior Polisia Kriminal defendente ba Ministru da Justisa laos Ministerio da Justisa.     Signifika PCIC nia servisu kordenasaun ho Ministru Justisa I autonomo administrative finanseiro patrimonial.

Agora Ministru halo fali lei organika Ministerio Justisa nian ne’ebe trata fali PCIC ne’e dehan katak, organismu ida hanesan centru formasaun judisiario ne’ebe iha deit iha deit autonomo administrativu teknika, entaun Ministru iha poder para intervein.

JNDiario tenta halo konfirmasaun ho Ministru Interior (MI), Longuinhos Monteiro, iha nia servisu faitn kona-ba asuntus ne’e, maibe seidauk bele hetan klairfikasuan tanba Ministru okupadu ho servisu Estadu nian. avi

Jornal Nacional