Redus Transaksaun Droga, Depende Konsiensia Sidadaun

DILI - Atu redus Transaksaun Droga nebe oras nee lao iha Rai laran, depende konsiensia sidadaun, tamba kria lei nebe forte maibe sidadaun laiha konsiensia atu hadook Aan husi droga lei mos laiha funsaun.

Tuir deputadu Bankada CNRT Cristovao Barros hatete oras nee drogadu balun komesa kaptura ona, tan nee atu kria lei nebe mak forte maibe komonidade laiha konsiensia atu hadook Aan husi droga lei mos laiha funsaun.

ita bele kria lei forte mos kuandu sidadaun laiha konseinsia atu hadook Aan husi droga ita sei labele halo buat ida tan nee atu kombate droga depende konsiensia sidadaun sira nian,” dehan Cristovao ba STL, Segunda (21/09/2015) iha Parlamentu Nasional.

Nia hatete kuandu sidadaun sira iha konsiensia, lei laiha mos droga sei latama tamba droga ladiak ba future no estraga vida, tan nee lalika involve iha droga tamba droga nee ladiak no estraga futuru.

Nune mos Deputadu Bankada PD Paulino Monteiro hatete oras nee koalia hela kona ba lei droga nian, kuandu detekta ema nebe mak konsumu droga tenki fo pena nebe mak barak maibe problema ida mak iha Timor labele implementa pena de morte. Informasaun kompletu iha STL Jornal no STL Web, edisaun Tersa (22/9/2015). Timotio Gusmao

Suara Timor Lorosae