FETO 102 SERVISU IHA KOREA NO 28 IHA AUSTRALIA

Igualidade jeneru entre feto ho mane nia direitu hanesan. Tamba ne’e feto mos hakarak   ho esforsu hodi ba buka servisu   iha rai liur   hodi sustenta nia familia ida idak ,nune’e   oras ne’e dadauk   feto nain 102 mak servisu iha Korea do Sul, no nain   28 servisu   iha Australia .

Trabalhadores feto Timor oan sira ne’ebe mak agora dadauk servisu iha nasaun   Korea do Sul ho Australia ne’e liu husi   prosesu ida naruk tebe tebes,tamba   nu’udar feto,maibe luta no esforsu   a’an hanesan mane hodi   ba kompete hala’o   servisu iha rai liur. Hodi buka osan atu sustenta sira nia familia,no maun alin nia eskola.

Chefe Departamento Emprego Rai Liur iha Sekretariu Estado Formasaun Profesional   no Emprego (SEFOPE) Valencio Anes de Jesus, hatete totalidade feto Timor oan sira ne’ebe mak   servisu iha Korea do Sul nain 102 no iha Australia   nain 28 husi numeru   hirak   ne’e no husi   nasaun Rua ne’e   liu husi teste ida ne’ebe ho kompetisaun maka’as   inkluindu ho mane sira.

Tamba agora dadauk feto sira ne’ebe mak servisu iha nasaun rua ne’e   liu husi prosesu teste hakerek, entrevista, teste saude, wanhira sira liu hotu ona husi teste hirak ne’e bele hatama ona dokumentus hodi banda ba kompanhia sira ne’ebe mak presiza trabalhadores atu ba servisu iha ne’eba.

Alénde ne’e iha parte Sekretariu   Estado   Formasaun Profesional   no Emprego hafoin manda trabalhadores   sira nia dokumentus   hodi fo informasaun atu nune’e hein kontratu husi kompanhia   hirak ne’ebe atu hili   trabalhadores   Timor oan sira.

“Ita nia feton sira ne’ebe mak ba servisu iha Korea do Sul ne’e servisu iha area Fabrika,no Agrikultura tamba ne’e servisu ladun todan”hatete Chefe Departamento Emprego Rai Liur iha Sekretariu Estado Formasaun Profesional   no Emprego (SEPFOPE) Valencio Anes de Jesus, ba JN-Diário iha edifisiu SEPFOPE Caicoli Eis UNDP Dili, Kinta (17/9).

Nune’e mos ba trabalhadores feto sira ne’ebe mak servisu iha Australia ho total 28 ,nune’e husi numeru hirak ne’e servisu iha area Hospitalidade,no Hortikultura ne’ebe mai husi servisu hirak ne’e hotu ladun todan, wanhira hala’o servisu iha kampu.

Chefe Departamento Emprego Rai Liur iha Sekretariu Estado Formasaun Profesional   no Emprego (SEPFOPE) Valencio Anes de Jesus,esplika trabalhadores   sira ne’ebe mak   servisu iha Korea do Sul ho Australia la hanesan, tamba iha Korea kontratu to’o tinan 5 bele to’o 10,wanhira ho atitude   diak.

Aliende iha   nasaun Australia ho kontratu servisu fulan 6 to’o tinan Ida,tamba bazeia ba inklima musim de’it hanesan tempu ku’u aifuan mak foin hala’o rekrutamentu trabalhadores Timor oan atu ba servisu iha ne’eba.

Hahú iha tinan 2014 mai to’o fulan Agusto 2015, transferensia osan ne’ebe mak liu husi Banku Nasional Ultramarino (BNU),no Wester Union husi trabalhadores   feto no mane mak servisu iha Korea do Sul mai Timor Leste hodi ba familia ho total montante $ 2,357,029.42.

Nune’e mos hahú iha tinan 2014 mai to’o fulan Agusto 2015, transferensia osan ne’ebe mak liu husi Banku Nasional Ultramarino (BNU),no Wester Union husi trabalhadores   feto no mane mak servisu iha Australia ho totalidade orasamento montante $ 1,355,401.00.tos

Jornal Nacional