Ministru Turismu Laos Sai Fali Ministru Turista

DILI – Rendimentu Timor Leste (TL) durante nee depende liu ba mina rai nomos gas, maske TL rasik iha fatin turismu neebe barak hodi bele atrai tuirsta wainhira governu liu-liu Ministeriu Turismu dezenvolve ho diak, maibe too agora fatin turismu sira nee kontinua abandonadu.

Tuir Diretor Organijasuan Non Govermental AJAR, Jose Luis de Oliveira, ba STL iha ninia servisu fatin Sigunda (7/09) hatete tuir lolos Ministru Turismu tenke iha planu hodi dezenvolve fatin turismu laos sai fali ministru turista.

Ministru Turismu nee mak inkompetente tanba hanesan Ministru Turismu sai fali Ministru Turista tanba laos dezenvolve turismu maibe dezenvolve fali turista tanba nia gasta osan barak liu ba vijita iha rai liur inves hadia fatin turismu iha rai laran para dada ema mai ho osan mais agora laiha nia mak lori fali osan sai no laiha benefisiu ba ita nia estadu agora TL nia partisipasaun ba iha Milan (italia) nee dala rua ona no osan hira mak sai no lori fali osan hira mak tama agora ita nia delegasaun sira neebe mak ba nee invest halo servisu hodi halo promosaun ematu mai ita nia rai maibe  sira ba sai fali turista hodi vijita fatin-fatin hodi kompra,” hatete Jose.

Nia husu Xefe governu atu hare lideransa neebe maka diak hodi tau iha Ministeriu Turismu atu nunee bele dezenvole, tanba durante nee gasta osan barak liu ba eventu sira maibe la hatene liu hosi eventu hanesan karavana, miss Timor no seluk tan hatama ona osan hira ba estadu TL.

Nunee mos ho Diretor Ezekutivu NOG Luta Hamutuk, Mericio Akara, hatete katak osan neebe mak mai hosi Mina no gas limitadu, tanba nee Governu tenke investe makas iha area turismu tanba liu hosi turismu mos bele hatama reseitas ba estadu. Informasaun kompletu iha STL Jornal no STL Web, edisaun Tersa (8/9/2015). Ekipa STL

Suara Timor Lorosae