FRETILIN-CNRT KRITIKA PREZIDENTI PN

Bankada FRETILIN ho CNRT iha Parlamentu Nasional (PN) halo kritika maka’as hasoru Prezidenti PN, Vicente Guterres, tanba meja PN ajenda proposta alterasaun Lei orgaun Administrasaun eleitoral, maibe Vicente Guterres la hatama iha ajenda.

Xefi Bankada Fretilin, Aniceto Guterres kestiona la iha rajaun Prezidente Vicente Guterres, la hatama ajenda kona proposta alterasaun lei orgaun administrasaun eleitoral ninian.

“Iha semana liu ba rejultadu konferensia lider bankada parlamentar hot-hotu konkorda atu hatama ajenda proposta alterasaun lei kona ba orgaun administrasaun eleitoral ninian,” hateten Deputadu Aniceto Guterres, liu husi sesaun Plenaria Extra-ordinaria, Kuarta (04/11/2015).

Nia hatutan tan, iha ona prosesu final ba iha alterasaun ida ne’e, tanba atu tama iha iha eleisaun final global, tan ne’e trata lei ne’e atu re-abertura ou parlamentu husik kaduka, tanba ne’e husu rajaun prezidente ninian.

Deputadu Bankada CNRT, Natalino dos Santos hatete, serbisu lubuk ida ne’ebe mak komisaun A trata durante tempu resesu no obriga tenke halo tanba interese Estadu ninian konsege halo hotu.

“Iha reuniaun prezidente bankada hat (CNRT, PD, FRETILIN ho Frendi Muidanca) aseita atu ajenda ita termina serbisu ne’e, maibe ohin la iha fali ajenda li-liu orgaun eleitoral, buat hotu fo tiha fiar ba komisaun A halo serbisu, ita haree orgaun ne’e la’os hanesan orgaun kolejial,” dehan Natalino.

Nia hatete, lider Bankada sira termina ona serbisu, tanba meja baixa ona proposta orsamentu ba komisaun espesializada atu haree, maibe ohin loron laiha ajenda, maske komisaun A konklui kleur tiha ona. Hatan ba prekupasuan ne’e Prezidente Parlamentu Nasional Vicente Guterres hatete, iha plenaria bankada parlamentar katak sei rezolve problema sira ne’e hotu iha tempu ne’e nia laran hodi haree ba iha reuniaun plenaria.

“Ita bele tau hotu iha ajenda kedas ita konsege rezolve ohin loron, hau hanoin mantein ho kalma oituan iha reuniaun bankadas koalia bankada hotu-hotu ita tenke rezolve problema ne’e antes tinan ikus, ita sei aranja tempu ne’ebe nesesariu atu rezolve problema ida ne’e,” dehan Vicente Guterres.

Nia hatutan tan, kordenasaun ho meja espesializada permanente atu halo kalendariu kada komisaun preve netik loron ida ou rua atu nune’e bele rezolve proposta alterasaun lei ne’e tan ne’e parlamentu sei rezolve hotu. mia

Jornal Nacional