MP La Konkorda, Tribunal Adia Akordaun ba Kazu Droga

DILI - Tribunal Distrital Dili (TDD) la konsege realiza leitura akordaun ba kazu krime droga, hodi suspende fali ba tinan foun 2016 tanba Ministeriu Publiku la aseita ho alterasaun lei ba krime nee.

Liu husi sala audensia, tribunal deklara, atu halo alterasaun juridika ba lei lei numeru 5/1997, maibe parte husi Ministeriu Publiku. Tanba nee tribunal la konsege halo leitura akordaun maibe adia fali ba loron seluk, depois mak tribunal notifika.

Akuzasaun husi ministeriu publiku katak, iha loron 24 de Janeiru de 2015 tuku 02 ho balun madrugada Polisia nasional Timor-Leste (PNTL) liu husi unidade Intelegent ho Serbisu investigasaun Kriminal nasional kaer arguido nain tolu wainhira halao hela transaksaun no konsumu droga sabu-sabu iha arguidu Edy nia uma, Delta 1. Depois nee lori kedas ba halo teste  hatudu katak arguido nain tolu konsumu duni aimoruk droga ho tipu sabu- sabu. Ho ida nee ministeriu publiku akuza arguidu nain tolu ba krime trafikante droga no konsumu droga neebe hakerek iha lei numeru 22/1997, artigu 78 ho 82.

Iha audensia arguidu Edy Luis hanesan nain ba aimoruk droga sabu-sabu nee deklara katak, faktus sira nee los duni nia konsumu duni droga maibe laos fan droga. Tanba iha momentu neeba arguidu Arifin mai husi Kupang Indonesia iha loron (23/01/2015) too mai loraik ho Timor Travel atu hasoru arguidu Olandino. Maibe arguidu Arifin too Dili tun husi travel telefoni ba Olandino nia mobile mate hela, nunee nia liga fali ba arguidu Edy nia mobile moris hela. Entaun arguidu Arifin ba fali nia uma no too tiha iha neeba depois rai atu kalan ona, arguidu Arifin telefoni fali ba arguidu Olandino mobile foin moris. Ho nee nia ho arguido Arifin lori ba iha Beto no too iha neeba sira nain tolu (3) fila fali mai arguidu nia uma hodi sosa serveza iha plastik ida ba hemu iha nia uma.

Iha uma laran meja leten, iha laptop ida no nia rai hela aimoruk droga sabu sabu iha botir oan iha laptop nia kotuk nee. Depois arguidu Olandino ho Arifin kala haree hetan fali maibe sira nain rua hemu ka la hemu mos nia la hatene tanba tur iha liur hela. Too madrugada polisia ba kaer sira nain 3 hodi loriba iha Polisia nian halo teste no rezultadu katak sira nain rua mos konsumu droga. Nee mak nia foin hatene katak sira nain rua mos kala hetan tiha aimoruk droga nee no konsumu tan tiha ona.

Nunee Arguidu Arifin dehan, iha momentu neeba nia mai husi Kupang Indonesia ho Timor Travel iha loron 23 de Janeiru de 2015 loraik too iha Dili atu telefoni ba arguidu Olandino maibe HP mate entaun telefoni fali ba arguidu Edy. Nunee nia ba fali iha Edy nia uma no too iha neeba telefoni ba Olandino tama entaun sira nain rua sai ho kareta ba arguido Olandino nia uma hodi koalia kona ba bisnes kareta ninian. Fila husi arguidu Olandino nia uma too iha area Delta nian antes atu tama ba uma, sosa tua serveza plastik boot ida atu lori ba hemu halimar iha uma.  Informasaun kompletu iha STL Jornal no STL Web, edisaun Sabado (19/12/2015). Domingas Gomes

Suara Timor Lorosae