Veteranus
ekipa ida husi Australia hasoru malu ho kandidatu Prezidenti Repúblika (PR),
Francisco Guterres ‘Lu-Olo’, ho objetivu atu hametin liu tan relasaun entre
veteranu sira Australia ho Timor Leste.
Kandidatu
Prezidenti Repúblika (PR), Francisco Guterres ‘Lu-Olo’ informa katak, veteranu
sira husi Australia husu atu hasoru malu ho nia hanesan mós veteranu.
“Ami
tu’ur hamutuk ko’alia para oinsa mak veteranus Timor Leste nian ho veteranus
Australia nian hametin relasaun di’ak ba malu, no futuru bele ajuda no
koopera malu atu lori veteranus Timor Leste nian ba oin,” informa Lu-Olo ba
jornalista sira iha CCF Comoro Dili Tersa (21/02).
Nia
hatutan, veteranu sira husi Australia iha programa ida hodi la’o ba fatin-fatin
iha Timor Leste, ne’ebé uluk iha funu hanesan, Foho Matebian, Baucau, Aileu no
Maubise atu bele hatene di’ak liu tan fatin sira ne’ebé guerileiru sira uluk
iha ailaran halo iha istória.
“Sira
mai hakarak hasoru diretamente ho ha’u, tanba sira mós rona ona katak, ha’u nia
aman mós uluk halo funu ba Australia iha segundu guera mundial, halo parte ba
Australia ninian,” relata Lu-Olo.
Alende
ne’e, reprezentante veteranus Australia, Michel Stone mós hateten katak,
obrigasaun sidadaun ida nian hodi halo buat hotu atu promove dame no prevene
konflitu iha aban bainrua.
“Ita
labele lakon istória, ita tenki respeita maluk sira ne’ebé terus, no maluk sira
ne’ebé laiha ona, no kompriende veteranus, no tenki ajuda malu hanesan unidade
ida,” relata Michel Stone.
Nia
hatutan, hanesan veteranu no hanesan ema umanu, tenki esforsu-an atu halo buat
hotu iha nasaun nia laran, hodi prevene sofrimentu ka impaktu husi funu.
“Veteranus
Australia ajuda veteranus Timor Leste, no veteranus Timor Leste ajuda ami
veteranus Australia, ne’ebé halo ita hanesan familia ida,” tenik Michel.
Iha
sorumutu ne’e, sira la ko’alia kona ba kandidatu Lu-Olo nian ba Prezidenti
Repúblika, maibé veteranu sira husi Australia hatene ona katak, Lu-Olo kandidata-an
ba Prezidenti Repúblika.cos
Jornal
Nacional Diário
Sem comentários:
Enviar um comentário