Vila
Belmonte, iha Portugal, simu entre loron 06 to'o 09 Abril edisaun dala 27 hosi
Kolókiu Luzofonia nian ne'ebé hetan partisipasaun hosi prémiu Nobel Dame nian,
D. Carlos Filipe Ximenes Belo, fó sai hosi autarkia lokal iha loron-sesta.
"Hanesan
prezensa ida ne'ebé hanesan onra mai ami, nune'e mós partisipasaun hosi ema
na'in 70 resin ne'ebé sei marka prezensa iha ne'e iha loron sira ne'e",
refere hosi prezidente kámara Munisipal Belmonte nian, António Dias Rocha, iha
konferénsia imprensa hodi aprezenta atividade ne'e no inisiativu sira seluk
ne'ebé maka vila hosi distritu Castelo Branco sei simu iha fulan-Abril ho
fulan-Juñu.
Edisaun
hosi Kolókiu Luzofonia nian halo ba dala uluk iha fatin interior ida iha
Portugal no hanesan organiza hosi Asosiasaun Internasional ba Kolókiu sira
Luzofonia nian hamutuk ho Kámara Belmonte, no hetan apoiu hosi Universidade
Beira Interior, hosi Governu Rejional Açores no hosi kompañia aéreu SATA.
Inisiativu
ne'e sei iha sesaun sientífiku oioin, nune'e mós aprezentasaun literáriu haat,
sesaun ida poezia nian ho lian lima no resital tolu hosi Cancioneiro Açoriano,
no hosi poeta sira Açores nian, ne'ebé halo akompaña ho piano hosi maestrina
Ana Paula Andrade, ne'ebé sei akompaña ho violonselu hosi Henrique Constância
hosi Orquestra Metropolitana Lisboa nian.
Programa
integra mós atuasaun sira hosi Eskola Múzika Belmonte no hosi Akademia Sénior
Belmonte nian.
Tuir
organizasaun, sei reprezenta rejiaun no nasaun hamutuk 12, liuliu Alemaña,
Açores, Austrália, Béljika, Brazil, Kanadá, Galiza, Índia, Luxemburgu, Portugal
ho Timor-Leste.
Aleinde
Ximenes Belo, ne'ebé sei marka prezensa hahú loron 07, inisiativa ne'e sei simu
mós palestrante oioin, hanesan ezemplu José António Salcedo ka João Malaca
Casteleiro, no autor oioin liuliu Urbano Bettencourt, ne'ebé sei simu homenajen
tinan 2017 nian.
Sesaun
sira hanesan gratuitu, António Dias Rocha hatete mós relevánsia hosi eventu
ne'e tanba kontribui hodi aumenta oferta kultural nian iha konsellu no iha
rejiaun, nune'e mós promove teritóriu.
"Ami
hein katak partisipante sira bele divulga mós no promove Belmonte bainhira sira
sai hosi ne'e no ami hein atu ema sira hosi rejiaun bele adere ba inisiativu
ne'e no bele mai vizita ami", nia hatete.
Entre
loron 17 no 21 Abril, sei halo mós iha Belmonte "Semana do Brasil"
ne'ebé sei iha aprezentasaun ba jogu sira, filmi sira no hahán brazileiru nian.
SAPO
TL ho Lusa - Foto@ Hugo Delgado / EPA
Sem comentários:
Enviar um comentário