TL tenke preparadu molok adere ba ASEAN

DILI - Governu Timor-Leste ohin loron kontinua halo esforsuoin-oin hodi prepara no lori nasaun foun ne’e adere ba Asosiation of Sout East Asia Nation (ASEAN) tanba jeografikamente Timor-Leste nu’udak nasaun ne’ebé lokaliza iha rejiaun Asia.

Ministru Estadu Koordenador Asuntu Ekonómiku no Ministru Agrikultura no Peska Estanislau Aleixo hatete atu lori nasaun foun ne’e adere ba ASEAN presiza prepara aan didi’ak hodi bele adopta ba situsaun hotu no tenke asegura direitu traballador nian.

“Kona-ba adere ba ASEAN presiza prepara aan ho di’ak tanba sei infranta mós dezafiu barak hanesan kona-ba traballador ezemplu hanesan ita atu adere ba ASEAN labele proibidu ema hodi servisu iha ita nia rai,” Dehan Estanislau iha nia deskursu foin lalais ne’e. Nia dehan haree ba situasaun hotune’ebé iha presiza haree ba akordu hodi bele tau protesaun ba traballadorno mós ba investimentu nian. “Atu tama ba ASEAN kestaun salariu minimu sai hanesan fatór importante ida,”dehantan Ministru ne’e.

Tuir nia ohin loron iha ona proposta hodi aumenta salariu minimu ba trabllador sira maibe sei haree mós ba produtividade no kapasidade hodi kompete mós ho nasaun seluk ne'ebé antes ne’e adere ona ba ASEAN. “Ne’e hanesan presaun ida hodi amenta salariu agora iha ona estudu ida hodi estudu klean liu atu bele rezolve. Tanba ne’e la’ós kestaun ida fasil presiza haree ba realidade no korajen atu bele fó protesaun másimu ba traballador,dehantan Ministru koordenador ba asuntu ekonómiku ne’e.

Ministru ne’e husu ba sidadau hotu no husu mós ba sidikatu trabllador atu haree ba kessstaun ne’e relasiona ho produtividade taballador sira nian iha servisu fatin. “Atu amenta salariu tenki haree ba produtividade servisu ema nian ne’ebé bele fó rezultadu positivu iha servisu nian no tuir planu estabelese ona hodi bele hetan rendimentu,”Ministru ne’e hatete. Nia isplika, produtividade haree mós ba kualidade servisu haree husi formasaun no partisipasaun traballador nian ba servisu.

Bazeia ba lei ne’ebé iha presiza armoniza situsaun hotu liu-liu ba aspeitu traballador nian. “Ha’u fiar ita bele tanba ne’e presiza fiar aan hodi bele hala’o buat hotu tuir prosesu faze por faze presiza iha relasaun di’ak ho nasaun ASEAN sira, liu husi esperensia ne’ebé sira iha ona hodi bele tau matan ba traballador sira hodi bele halo produsaun ba riqueza,” ministru dehan.

Atu fó garantia ba direitu traballador nian presiza tau atensaun maka’as ba kondisaun servisu hotu, atu nune’e bele asegura situsaun hotu. Tanba ne’e ho kondisaun minimu ne’ebé agora TL infrenta sai kestaun boot ida bainhira nasaun foun ne’e atu adere ona ba ASEAN tanba ne’e tenke iha kondisaun másimu hodi bele garantia servisu no direitu traballador sira nian. (BT)

Business Timor