Primeiru-ministru
foun timoroan defende iha loron-sesta ne'e reforsu ida no aumentu hosi parseria
istóriku Timor-Leste nian ho Portugal, iha "edukasaun kualidade" iha
área sira transporte marítimu nian, konstrusaun ho manutensaun naval no iha investimentu
diretu.
"Ita
nia relasaun ho Portugal akontese ona iha sékulu barak nia laran no iha 2015
ita selebra ona portugés dahuluk sira ne'ebé maka to'o iha tasi-ibun sira Lifau
nian iha tinan 500 liubá. Tenki haree fali no determina fali koperasaun
bilateral ho Portugal", Mari Alkatiri hatete iha momentu balun hafoin simu
pose nu'udar primeiru-ministru hosi Governu konstitusional dahitu.
"Ha'u
fiar katak ita tenki aumenta parseria ne'e iha área sira edukasaun hosi
kualidade no investimentu sira nian, no atrai investimentu diretu. Timor-Leste
ho Portugal tenki aumenta koperasaun bilateral ba área transporte marítimu,
konstrusaun ho manutensaun naval nian", nia defende.
Lasu
sira ho Portugal destaka ona iha diskursu ne'ebé nia ko'alia ona kona-ba
relasionamentu esternu sira Timor-Leste nian, liuhosi rejional, ho Austrália ho
Indonézia, no mós ho bloku sira hosi Asosiasaun hosi Nasaun sira Sudeste
Aziátiku nian (ASEAN) no hosi Komunidade sira hosi Nasaun sira ho Lian
Portugeza (CPLP).
Alkatiri
fó hanoin katak polítika esterna timoroan nian "mosu hosi prinsípiu sira
no valor sira rezisténsia nian, ne'ebé harii durante dékada rua resin nia
laran", no subliña ona katak maturidade Estadu nian konsisti iha
"previzibilidade, estabilidade no kontinuidade hosi nia polítika
esterna" ne'ebé iha baze hosi konsensu jeral ida aleinde hosi siklu
eleitoral sira.
"Prioridade
boot hosi ami nia polítika esterna sei nafatin no sei kontinua iha
dezenvolvimentu ba relasaun no koperasaun di'ak ho ita nia viziñu sira:
Austrália, Nova Zelándia ho Illa Estadu sira hosi Pasífiku Súl", nia
hatete.
Alkatiri
refere, iha partikular, final hosi "konflitu fronteira tasi nian ho
Austrália" ne'ebé loke "perspetiva di'ak sira no boot sira ba era
foun ida iha relasaun bilateral sira".
Ho
Indonézia, Alkatiri hatete katak importante hametin relasaun, maibé mós
"identifika falla sira no frakeza sira, hadi'a no hametin relasaun sira
iha nível tomak no iha área sira ne'ebé bele".
Relasaun
sira ho Estadus Unidus, Xina, Japaun ho Uniaun Europeia sei hametin mós,
hanesan mós ho Kuba no ho Estadu sira ho lian ofisial portugeza.
SAPO
TL ho Lusa
Sem comentários:
Enviar um comentário