Lere, Seidauk Tempu Halo Transformasaun Jerasional

DILI - Xefe Estadu Maior jenaral F-FDTL Major Jeneral Lere Anan Timur hateten seidauk tempu halo pasajen de poder iha instuisaun F-FDTL tanba seidauk iha ema neebe maka iha kapasidade lolos atu jere instituisaun refere. Maske nunee, jerasaun foun neebe maka agora dadauk iha intelektual presiza sukat didiak nian kbiit hodi lori nasaun nee ba iha ohin ho diak.

“Tamba sai lider nee ami iha ona esperensia kuandu buat hotu hotu sai diak ita hotu hotu tur basa liman hotu hotu hamnasa, kuandu buat aat ida mosu nee ema ida maka lori ida nee maka hau nian esperensia, sei jerasaun foun iha ona kapasidade lori todan nasaun ninian ita halo pasajen jerasional liu husi trasformasaun ita muda ba jerasaun foun,” dehan Lere ba jornalista sira hafoin remata enkontru ho PR Lu-Olo iha Palasiu Presidensial Bairo Pite, Kuarta (13/9/2017).

Nia dehan maibe kuandu ema nee lidera maka la iha kapasidade, maka seidauk tempu atu halo pasajen de poder iha instituisaun. Instuisaun nee jerasaun foun maka lidera mos nasaun ita nian hotu no jerasaun tuan mak lidera mos ita nia hotu. Tanba nasaun Timor-Leste kontinua lao ba oin laos atu la ba kotuk fali.

Jeneral fitun rua nee afirmaliu tan katak relasiona ho nian madatu neebe maka sei termina iha fulan Outobru tinan nee nee depende ba iha desisaun governu nian.

“Ita ohin loron nee servisu maibe labele ses husi lei, oho malu laos halo lei maka ita oho malu, hau mos nunee komandaforsa nee desde 1975, mai 1999 too mai ohin loron no agora baseia ba lei ida nee kompetensia governu atu hare hodi hakotu hau nian Vise Xefe Estadu Maior Jeneral  nee depende  desisaun politika  governu ninian husi governu maka deside didiak se maka atu mai trokaami nian fatin Outobru ba leten  maibe la iha nee pasensia ami sei kontinua ate jerasaun foun ida neebe maka ami konfia seguru hodi lori nasaun nee ba oin  ho  estabel,” dehan Lere.

Nia mos hatan karik iha posibilidade governu estede nian madatu Lere afirma nudar ema neebe maka terus ba rai neee prontu servisu nafatin ba estadu no ba rai nee liu ba garantia estabilidade enkuantu sei moris.

“Tamba nee maka ita funu atu hetan ukun aan nee ita hatene katak foin dadaun ita halo ita nian eleisaun prezidensial no parlamentar nee lao diak iha estabilidadede nia laran  maubere too agora ita seidauk konsege forma governu ho ida labele ansi kauza husi partidu ida la manan maioria iha eleisaun jeral.

ita nian parlamentu maka seidauk forma tamba la iha ida ke manan maioria absoluta hodi buka koliga malu,” dehan nia.

Nia dehan liu tanuluk iha ailaran mos la iha buat ida neebe maka devisa karik devisa maka nia (Lere)nee sai ona desde husi ailaran nee Jeneral, hanesan mos Xanana, Taur mos nunee alem ida nee mos aktual Prezidente Republika Lu-Olo neebe maka iha momentu nee nudar ajuntu.

Maibe ba ida nee tuir Lera katak hanesan dedikasaun neebe maka iha momentu nee atu liberta povu no nasaun husi okupasaun. Tanba nee maka atu solusiona ida nee maka governu maka presiza hare antes foti desizaun. 

Natalino Costa | Suara Timor Lorosae