DILI
- Partidu opojisaun iha parlamentu CNRT, PLP no KHUNTO ho asina plataforma
governu boloku koligasaun ho objetivu atu forma Governu VIII konstituisional ho
intensaun atu lori povu TL ba moris diak.
Lia
fuan hirak nee hatoo husi Xefe Bankada Khunto Luis Roberto da Silva ba
jornalista sira depois remata asina akordu plataforma politika bloku koligasaun
maioria parlamentar neebe halao iha Hotel JL Villa Aimutin Dili Kinta,
(12/10/2017).
Partidu
tolu nee ho inisiativa politikamente hodi aprejenta plataforma politika hodi
hatoo ba PR foin lais nee atu hodi hatudu katak nudar opojisaun iha parlamentu
no iha nafatin interese nasional no ami mos prepara hela atu forma governu
neebe mak define ona iha konstituisaun,”nia kualia.
Xefe
Bankada CNRT Arao Noe de Jesus dehan partidu nee iha parlamentu nasional laos
halo knar rasik. Maibe nudar bankada halao deit politika tuir partidu nian
bajeia orentasaun partidu. Tanba nee maka asina plataforma nee atu forma
estrutura nasional inklui Prezidente CNRT Xanana Gusmao.
Xefe
Bankada PLP iha PN Fidelis Manglhaes dehan atu forma maioria parlamentare tuir
konstituisaun neebe fo dalan tanba nee halo politikamente atu halo atuasaun
tuir konstutuisaun. Ida nee hanesan responsabilidade partidu maioria iha
parlamentu ho intensaun atu fo moris diak ba povu. Tanba nee maka akordu nee
halo.
Partidu
Libertacao Popular (PLP), Kmanek Haburas Unidade Nasional Timor Oan (Khunto) no
Congresso Nacional de Reconstrucao de Timor Leste (CNRT), hamosu plataforma
politika ida hodi define integra programa no politika publikas nebe rigorozu no
abrajentes hodi mobilize povu hola parte iha dezenvolvimentu nasional ho
rekursu neebe ho forma edukadu no efisiente.
Prinsipiu
no vizaun maka atu reafirma politika parpol neebe forma aliansa maioria
parlamentar (AMP) hodi serbi povu no nasaun neebe ho diak plataforma nee hatur
tuir prinsipius fundamental konstituisaun RDTL neebe konsagra iha artifu 1 to
artigu 15 hanesan valores demokratiku moris diak povu nian.
Justinho
Manuel | Suara Timor Lorosae
Sem comentários:
Enviar um comentário