Ekonomia Familia Fraku, Bele Hamosu Violencia Domestika

BAUCAU - Oras nee violensia domestika (VD) barak mosu no akontese iha familia/uma kain. Razaun ida tanba ekonomia fraku. Atu evita problema VD iha familia, feto sira labele depedensia demais ba mane sira. Feto sira presiza buka servisu seluk para ajuda mane sira hodi sustenta nesesidade familia.

Bainhira ekonomia fraku iha familia nia laran,bele fo impaktu boot ba familia no bele hamosu violencia domestika. Tanba nee,ita feto labele depedencia demais ba mane sira. Kuandu depedensia demais ba mane sira, loron ruma ekonomia fraku iha familia nia laran, bele hamosu violencia domestika. Tanba nee, feto mos presiza buka oinsa bele kompete ho mane sira hodi hadia ekonomia familia,” hateten Miranda Londinda ba STL iha ninia knar fatin, Becora, Kuarta (11/10/2017).

Oras nee, lei fo dalan feto sira. Nia husu feto sira labele lakon oportunidade ho mane sira. Presiza partisipa iha aktividade hotu.

Relasiona ho kestaun nee, Direktora Caucus, Paula de Cortereal Araujo hateten, VD parte ida husi faktor ekonomia. Dala barak feto sira depende liu ba salario mane sira. Laiha laiha rendimentu ruma hodi ajuda sustenta familia nomos nesesidade baziku. Nee bele hamosu VD tanba dala barak feto maka gastu osan barak liu no nesesidade neebe maka iha feto maka persija barak liu.

Tanba nee feto persija iha abilidade hodi dezenvolve nian ekonomia no bele mos fo apoio ba nian parseru ajuda malu atu sustenta familia uma laran nian, tanba iha timor maioria oan liu husi rua tanba nee maka persija buka servisu oinsa maka ajuda mane sira hodi ajuda iha familia nian laran tanba ema ida nian salario labele responde hotu nesesidade familia nian tanba nee maka feto mos persija esporsu ann labele depedensia ba mane deit atu nunee bele hadook ann husi violensia domestika.

Nian akrezenta liu tan feto persija kapasita nian ann atu bele partisipa iha aktividade hotu atu nunee iha nian abilidade rasik atu bele lao ba oin, feto mos tenki iha koinesementu, wainhira laiha koinesementu ita labele halo buat ida tanba nee maka feto persija book ann liu-liu joven sira involve ann ona iha vida politika, politika laos iha publiku deit maibe iha mos uma laran oinsa jere ita nian orsamentu, ida nee pasparte ona partisipa iha vida politika. 

Emerenciana Pinto | Suara Timor Lorosae