Polítika Laek ba Juventude Durante Dekada Ida Liu

Fundasaun Mahein*

Hodi hasoru komfrontasaun físika daudaun ne’ebé involve joventude sira iha kapitál nasaun Dili, Baucau ho munisípiu sira seluk, governu tenke frankamente responde violensia joventude ne’ebé laiha rohan laek iha Timor-Leste. Iha dekada iha liu ona, violensia juventude regularmente akontese hodi resulta kanek todan-kaman ho mate. Akontesementu sira ne’e tantu mosu iha Timor-Leste no iha Indonezia ho Europa. Asaun responde governu nian ne’ebé bandu no taka deit grupu juventude ne’ebé kria problema, ida ne’e sei hetan failansu boot liu atu fó solusaun ba isue ne’ebé sai abut tiha ona. Hodi atende diak, governu tenke formula polítka diak ida ne’ebé orenta solusaun ba  joventu nia problema hanesan hadia sistema edukasaun/formasaun ho kriasaun servisu foun ba ema barak.

Konflitu rohan laek ne’ebé sempre akontese enjeralmente ho joventude tamba iha biban boot failansu hosi governu depois Timor ukun rasik-an tamba laiha perioridade ba seitor edukasaun. Ezemplu, maoria traballador sira ne’ebé servisu iha governu ho kritéiria no kapasidade ko’alia diak Inglez ho Portugez. Maibé  iha sorin seluk, sistema edukasaun konsistensiamente faila la fó kapasitasaun lingua estranjeiru ne’ebé importante. Tamba sistema edukasaun la prepara juventude sira atu halo kompetisaun iha merkadu traballu depois mos sira laiha motivasaun aprende. Ho ida ne’e Grupu Arte Masial sira (GAM) ho krime organizadu seluk aproveita desintendementu joven sira nian, no haboot rekrutamentu membru sira.

Prosesu dezemvolvementu iha Timor-Leste  ho konsistensiamente esklude foin-sae sira, ne’ebé kria situasaun frustradu no nakfera ba konfrontasaun entre gan sira. Tanba laiha programa polítika ida ho objetivu atu halo treinamentu ba joven sira hodi sai toos ho natar na’in diak. Neglensia governu ba seitor agrikutura kontinua akontese, signifika katak servisu hosi seitor hotu-hotu iha Timor-Leste mosu iha Dili. Klaru, sentralizasaun boot liu signifika mos katak foin-sae sira ne’ebé dezempregu kontinua desloka hosi munisípiu ba iha kapitál nasaun, atu hetan deit servisu ne’ebé la seguru. Haree ba Xineza sira imigrante mai ho susesu los, no loke kios oan sira iha aldeia ho suku iha sikun-sikun iha Timor-Leste tomak, no foin-sae Timor-oan sira sente katak laiha ona fatin halo negosiu. Dok hosi familia no hetok at liu tan laiha servisu, foin-sae sira seluk sente atraktivu los atu sai membru ba geng sira no sente nain ba geng refere.  

Falta oportunidade ba servisu iha Timor-Leste  rezulta ona foin-sae Timor oan barak muda ba servisu iha Korea ho  Eropa, spesial liu iha Portugal, Inglatera, ho Irlanda. Iha tinan barak ona nia laran kada loron-loron Timor-oan feto ho mane forma ho liña boot tebetebes iha Embasada Portugal iha Dili hodi trata dokumentus atu sai ba liur, no sira nia esperansa katak bele hetan moris diak iha rai liur. Númeriu migrante ne’ebé ass justifika katak laiha duni oportunidade iha Timor-Leste.

Hosi sorin seluk, hases hosi dezafiu ne’ebé boot ne’e, governu laiha polítika ida mak klaru kona-bá juventude nia moris hahu hosi ukun an to agora. Kada violensia akontese entre foin-sae sira, governu so responde ho taka no bandu ba grupu juventude ne’ebé problemátiku. Asaun reaksioner hosi governu, ne’e  hanesan polítika ida ne’ebé fallansu fó solusaun ba problema violensia ne’ebé lolós akontese lahotu rai iha nasaun ne’e. Governu tenke atende ona problema báziku ne’ebé bele fó solusaun alternativa ba foin-sae sira kona-bá bandalismu/geng ne’ebé mak sempre mate ho kanek iha suku ka aldeia ne’ebé lolós ne’e lapersiza.

Daudaun ne’e foin-sae sira iha Timor-Leste sente katak iha neglensia hosi sira nia lideransa elit sira. Tamba foin-sae sira lasente katak sira nia involvementu iha prosesu dezemvolvementu nasional, sira sente hanesan bainaka iha sira nia rain rasik. Laiha sentementu nain, frustrasaun hosi foin-sae sira ne’e ekspresa sira nia-an tuir dalan violensia ne’ebé folin laek los.

Tamba ne’e, FM hato’o rekomendasaun tuir mai ne’e:

1) Governu tenke formula polítika ne’ebé klaru ba juventude. Polítika ida ne’ebé tenke halo aproximasaun integrada liuhosi edukasaun, arte ho genazium, no treinamentu vokasional sira seluk.

2) Governu tenke reforma sistema edukasaun no sistema ne’e tenke orenta ba merkadu traballu spesifikamente sistema edukasaun tenke fó oportunidade barak ba foin sae sira iha Timor-Leste ho kapasidade Inglez ho Portugez ne’ebé diak liu. Kapasidade sira hanesan ne’e bele ajuda sira buka servisu lalais depois sira halo graduasaun.

3) Governu tenke reativa fali Grupu Arte Masial (GAM)  ho legalmente atu bele regula sira nia atividades. Bandu no taka so para obriga sira kontinua ativa sira nia atividades ho klandistinamente. Reativasaun ba sira nia grupu katak, sira sei halo atividade abertamente no governu iha oportunidade boot atu regula, monitoriza, no kontrola direitamente ba sira nia lider sira, atu aplika sira nia forsa tuir objeitivu legal ho produktiva.  

4) Governu tenke regula GAM hodi atraku ba turista. Fó fokus ba dezemvolve sira nia talentu no skill dukue kriminaliza sira, mak GAM sei bele sai aset ekonomia iha Timor-Leste. Nune’e mos Organizasaun bele fo insentiva ba sira nia membru sira no sira sente hetan lukru no sente nain. Foin- sae sira persizamente halo ezersisiu atu espresa sira nia enerzia. Ho espresaun enerzia oreinta ba dezemvolve  turismu hodi atraku turista demestika ho internasional, hodi nune’e governu Timor-Leste sei fortaselementu partisipasaun ativu ba foin-sae sira iha sosiedade.

*Fundasaun Mahein

Rua Comoro, Fomento I, Dili, Timor-Leste

E-mail: nelson@fundasaunmahein.org / direktor.mahein@gmail.com

Web: www.fundasaunmahein.org

Tel: +(670) 78316075