Prezidente Comité Olímpico Nasional
Timor-Leste, Francisco Kalbuadi Lay, hateten, maski Timor-Leste (TL)
moris iha inserteza polítika, maibe tenke partisipa eventu Internasional Asian
Games 2018 iha Jakarta no Palembang, Indonezia importante atu hamentin lasu
amizade entre nasaun sira iha Ásia.
Prezidente Comité Olimpico
Nacional Timor-Leste Francisco Kalbuadi Lay hato’o liahirak nee hafoin reuniaun
ho atleta husi modalidade desportiva 12 iha Centru Formasaun Polisia Komoro,
Díli, Sesta (10/08/2018).
Prezidente Comité Olímpico
Nacional Timor-Leste Francisco Kalbuadi Lay hatutan liu tan katak presiza atu
fo atensaun ba atleta sira atu partisipa iha eventu importante nee, tamba ho
partisipasaun Timor-Leste sei hametin liu tan lasu amizade ho Indonezia núdar
país viziñu ne’ebé sai Uma Na’in ba eventu nee.
Ita tenke partisipa duni iha eventu
ida ne’e, importante tebes, tamba Asian Games, li-liu hanesan tuan rumah hanesan
Indonezia nasaun viziñu ne’ebé diak ho ita dezde ukun án to’o agora. Hau ho
Sekretariu Estadu Juventude no Desportu ho mos parte Konfederasaun Nasional
koalia ba atleta sira, katak maske ita ho kondisaun ida hanesan ne’e, maibe tenke
nafatin iha espiritu nasionalizmu hodi kompete ho nasaun seluk”, hateten
prezidente CONTL, Francisco Kalbuadi Lay.
Modalidade desportiva 12 ne’ebé
sei partisipa Asian Games tinan ne’e kompostu husi Atletizmu, futebol,
Volibol Praia, Halterofelismo, Taekwondo, Silat, Karate-DO, Boxing, Siklismo,
Natasaun, federasaun Tiru no Tenis Do Campo ho total atleta na’in 60 resin.
Kompetisaun desportiva rejiaun azíatiku Asian Gemes involve naaun 45 inklui
Timor-Leste neebe sei dezloka iha loron 16, Agostu. Ito
GMN TV | Grupo Média Nacional
Sem comentários:
Enviar um comentário