Sai Membru ASEAN Tenke Lao Neneik

DILI - Emprejariu Timor oan balun seidauk preparadu wainhira Timor Leste sai Membru Asean, tan nee husu ba governu atu lao neneik, nunee Timor oan bele prepara aan hodi kompete ema husi nasaun seluk.

Kestaun nee fo sai husi emprejariu lokal Joao da Costa Barreto, ba STL Segunda (05/11/2018) liu husi mensajen.

Ami emprejariu Timor oan seidauk preparadu bain hira TL adere ba Asean, iha momentu ida hanesan nee, tanba liga ba rekursu umanus iha rai laran, ita sei hasoru hela dezafius balun, liu liu kapasidade, no finanseiru atu halo kompetisaun iha merkadu livre,” informa emprejariu lokal nee.

Nia mos afirma liu tan katak, bain hira sai membru Asean maka, emprejariu sira mos tenke iha mentalidades neebe foun, no prepara aan atu tama iha merkadu ida neebe foun, no boot hanesan Unidade Asean nian, ida nee maka importante liu ba Timor Leste atu lao neneik.

Iha fatin hanesan, Prezidente Camra Comersiu Industria Timor Leste (CCI-TL) Oscar Lima hatutan, seidauk preparadu nee laos emprejariu hotu hotu, maibe iha balun deit maka seidauk preparadu.

Informasaun kompletu iha STL Jornal, edisaun Tersa (6/11/2018) 

Madalena Horta | Suara Timor Lorosae